“సిస్టర్ అనసూయ ” సమాజ సమస్యలను శతక
పద్యాల్లో ఇమిడ్చి రాసినందుకు ముందుగా అభినందనీ యురాలు .
పున్నామ నరకం నుంచి తప్పించేది కొడుకనే లోతైన భావన యుగాల తరబడి పాతుకుని పోయింది. ఆడపిల్ల
కు జన్ననిచ్చిందని తాళికట్టిన బార్యను వదిలి మగ పిల్లాడి కోసం మరొక ఆడదాన్ని పెండ్లి చేసుకొని సంసారం
చేసే మగాళ్ళు ఎంతమందో. ఈ శతకంలో…
సుతుడు లేకపోతె స్వర్గంబు లేదని
ఆడ పిల్లలాని ఆడ వదిలి
మరల పెండ్లి యాడె మగపిల్లల కొరకు
శుద్ధి చేయు తండ్రి! సృష్టికర్త!!
బంధాలు, అనుబంధాలను మరిచిపోయి అనుక్షణం ధన
వ్యామోహంలో పడి ఎటువంటి ప్రేమకు నోచుకోనివాడే
నిజమైన నిరుపేద. సంపాదన కోసం ఎటువంటి పని చేయడానికి వెనుకాడడు. అందుకే కవయిత్రి ” బహు
ధనంబు ఉన్న భాగ్యవంతుడైన ప్రేమ లేనివాడు పెంట బోలు ” అంటున్నారు.
ఆడపిల్ల పుట్టిందనగానే చెత్త కుప్పమీద పడవేసేవారు
కొందరు, కడుపులోనే నులిమేసేవారు కొందరు, పుట్టగానే
అమ్మేవారు మరికొందరు ఇన్ని సమస్యలను ఎదుర్కొంటు న్న ఆడపిల్ల. భూమిపైన మనుగడ సాగిస్తున్న తరుణంలో
పాపపు కళ్ళు పడుతున్నయి. బడిలో, గుడిలో, రైళ్ళలో,
రెస్టారెంట్లో, బస్సులో , ఆఫీసుల్లో ఎక్కడా ఆమెకు రక్షణ
లేకుండా పోతుంది. ఇటువంటి విపత్తులను చూసి చలించిన ” సిస్టర్ అనసూయ ” తన శతక పద్యాల్లో తోటి
మహిళల పట్ల సానుభుతి తెలుపుతూ తన స్పందన
కనబరిచారు . ” చిన్న బాలికయని చూడకుండా వాడు పాడు చేసినాడు పాపమనక/ పశువులకును తెలుసు
పరిపక్వత వయస్సు/
దీనికి కారణం మద్యపానం అంటూ…..
కల్లు సార తాగి కండ్లు మూసుకపోయి తల్లి బిడ్డ యాని
తేడ లేక/ పశువులాగ నరులు పాపంబు జేస్తుండ్రు/
అని తన ఆవేదన వ్యక్తపరిచారు.
విముక్తి నవలా రచయిత్రి–సిస్టర్ అనసూయ ఎం.ఎ సోషియాలజీ ఉపాధ్యాయురాలు (ప్రవేట్), anasuya344@gmail.com
” కవి క్రాంతదర్శి, మార్గదర్శి అటువంటి కవులకు కూడా ఈ మధ్య కవితలు రాసేవారిని నిందిస్తూ, పద్యం రాసేవా రిని దూషిస్తూ చిన్నచూపు చూడడం ఒక ఎత్తు అయితే
ఒకరిపై మరొకరు ఆధిపత్య ధోరణి ప్రదర్శించడం , విచ్చ
లవిడిగా సమూహలు పెడుతూ సాహిత్య వేదికలు మాట
ఏమో గాని కలహలు పెట్టుకుంటూ అసలైన తమ బాధ్య తను విస్మరిస్తున్నారు. ప్రజా సమస్యల పట్ల స్పందించి
వారికి చేదోడువాదోడుగా ఉండాల్సిన కవులు, రచయిత లు తగువులు పెట్టుకుంటూ పోతే సమాజం లోని సామాన్య ప్రజల పరిస్థితి ఏమవుతుంది ఇది తరతరాల కు ఆదర్శంగా నిలిచే కవులు, రచయితలు అందరూ కూడ ఆలోచించాల్సిన విషయం. కవయిత్రి మాటల్లో…
” కవుల మధ్య ఎన్నొ కలహములున్నవి
ఎవరి తిక్క వారికెక్కువాయె
మల్లెలోలె వారి మనసు ఉండుటకును
శుద్ధి చేయు తండ్రి! సృష్టికర్త!!”
మన భారతదేశం అభివృద్ధి చెందుతున్న దేశాల పక్కన
నిలబడాలని ప్రయత్నిస్తున్న కాని కుల మత, ప్రాంతీయ,
వర్గ, లింగ వివక్షత, ఆర్థిక విభేదాలు అడ్డుగోడలవుతు న్నాయి .
” ఆడ – మగ కులములె అంతట నుండగా
భరత దేశమందె బహుకులముల?
ఆర్యులొచ్చి చేసె అన్ని కులములను
శుద్ధిచేయు తండ్రి! సృష్టికర్త!!”
” సిస్టర్ అనసూయ సృష్టికర్త శతకంలో ” సంప్రదాయాలు,
సామాజిక స్పృహ కలిగిన ఆర్థిక, రాజకీయ, న్యాయ వ్యవస్థ పనితీరును ప్రశ్నించిన శతకాలు, పేదరిక బాధలు,
సాంస్కృతిక, సాంఘిక, అసమానతలు గురించిన ఎన్నో
ప్రేరణాత్మక, స్పూర్తిధాయకమైన శతకాలు ఉన్నాయి. ”
ఈ ఆటవెలది పద్యాలను చదవాల్సిన అవసరం
ఎంతైనా ఉంది. ఇంత మంచి పుస్తకాన్ని మనకు అందించి న కవయిత్రికి హృదయపూర్వక అభినందనలు.
ప్రతులకు:
సిస్టర్ అనసూయ
ఇంటి నెం. 5 – 12 – 409/3
బి .టి. యస్, నల్లగొండ – 508001
చరవాణి: 9492728122, 8074573716
-సమీక్షకురాలు: యడవల్లి శైలజ ( ప్రేమ్)
