చీకటి ఖండం అని ఆఫ్రికా ఖండం గురించి అన్నారు మన ముందు తరాలవారు . కాని గ్లోబలైజేషన్ వల్ల అన్ని ప్రాంతాల లో విపరీతమైన మార్పులు చోటు చేసుకున్నాయి. ఆఫ్రికా ఖండాన్ని ప్రకృతి ఒడిలో అందమైన ప్రదేశం గా చెప్తూ వివరాలు తెలుసుకుంటన్నాం కదా!
ఇప్పటి వరకు మనం ఆఫ్రికా ఖండం లోని అల్జీరియా మరియు బోట్స్వానా దేశాల గురించి తెలుసుకున్నాము. ఇప్పుడు ఈజిప్ట్ దేశం గురించి తెలుసుకుందాం.
ఈజిప్ట్ అనగానే మనకు గుర్తుకొచ్చేది గాజా లోని పిరమిడ్స్. ఇవి చాలా పురాతనమైనవి. వేల వేల సంవత్సరాల కాలంనాటి సంస్కృతి గుర్తుకొస్తాయి. తొలి నాగరికతలోని మొట్టమొదటి దేశంగా ప్రాచుర్యం పొందింది ఈజిప్టు.
ఈజిప్టులో మధ్యధరా సముద్రం, నైలునది మరియు ఎర్ర సముద్రం తీరప్రాంతాలుగా ఉన్నాయి. ఈజిప్టుకు పశ్చిమాన లిబియా, ఈశాన్యంలో గజా స్ట్రిప్, తూర్పున ఇజ్రాయిల్ మరియు దక్షిణాన సుడాన్ దేశాలు ఉన్నాయి.
ఈజిప్టులో అధిక శాతం ముస్లిం మెజార్టీ ఉంది. ఈజిప్షన్ సంగీతం ఒక రకమైన వీనుల విందైన సంగీతం. చాలా డిఫరెంట్ గా సాగే ఈ సంగీతం స్వదేశ మరియు ప్రాశ్చాత్య ప్రభావాల మిశ్రమంగా చెప్పవచ్చు.
ఇప్పుడు ఈజిప్టులో చూడవలసిన ప్రదేశాలు వాటి ప్రాచుర్యాల గురించి తెలుసుకోవాల్సినవి ఉన్నాయి.అవేంటంటే,
ఇక్కడి ప్రదేశాలలో చాలా ప్రాచుర్యం పొందినటువంటి ప్రదేశం హర్గదా. అసలు ఈ ప్రదేశానికి ‘రిసార్ట్ టౌన్’ అనే పేరు కూడా ఉంది. అంటే ఈ ప్రదేశం యొక్క సుందరతను మనం అర్థం చేసుకోవచ్చు.
ఇక్కడి అట్రాక్టివ్ ప్లేసెస్ లో ముఖ్యమైంది శర్మల్ షేక్ మరియు దాహెబ్ చాలా టూరిస్ట్ హబ్స్ గా పేర్కొనవచ్చు ఇక్కడ టూరిస్టులు ఎక్కువ యూరోపియన్ కంట్రీస్ నుండి వస్తారు. అక్కడి బ్లూ వాటర్స్ సుందరతను చూసి తనివి తీర వలసిందే. ఇక్కడ స్కూబా డైవింగ్ స్నార్కలింగ్, బెండ్ సర్ఫింగ్, జెట్ స్కీయింగ్ చాలా పాపులర్ సీ యాక్టివిటీస్.
ఇవే కాకుండా మ్యాజికల్ మెరైన్ డ్రైవ్, గ్లాస్ బాటం బోర్డ్ రైడింగ్ అద్భుతాలు. గ్లాస్ బోట్ రైడింగ్ లో పడవలో మనం ఉంటాము కింద గ్లాస్ ఉంటుంది. గ్లాసు నుంచి కిందికి చూస్తూ కింద ఉన్న రకరకాల చేపలను మరియు సముద్ర జంతువులను చూసి మనం మనమే మర్చిపోయే అంత అనుభూతి కలుగుతుంది.
అలెగ్జాండ్రియా ప్రదేశం ఈజిప్టు లో ఇంకో అద్భుతమైన ప్రదేశం. విజిటర్స్ కి ఇది కన్నుల పండుగ చేసే స్థలం. కైరో సిటీ ఈజిప్ట్ కి రాజధాని.
నైలు నది: –
ఇక నైలు నది అందాలు వర్ణించనలవి కానిది. క్రూజ్ డిన్నర్సు, లైట్ వెలుతురులో రెండు ప్రక్కల ఉన్న బిల్డింగ్స్ మైమరపు కలిగిస్తాయి.
ఈజిప్టు అనగానే నైలు నది , నైలు నది వెంట జనజీవన స్రవంతి మనకు గుర్తుకు వస్తాయి. ప్రపంచం లోనే అతి పొడవైన నది గా పిలువబడే నైలు నదికి రెండు ప్రధాన ఉపనదులైన వైట్ నైల్ , బ్లూ నైల్ రివర్స్ జ్ఞప్తి కి వస్తాయి.
పురాతన ఈజిప్టు చరిత్రలో నాగరికత పరిఢవిల్లిన చరిత్ర మొత్తం నైలు నది చరిత్ర లో భాగంగా చెప్తుంటారు . పచ్చని చెట్ల అందాలు కొండకోనల్లో నైలు నది మలుపులూ చూడచక్కని ప్రదేశాలు.
పిరమిడ్స్: –
ఇక ఈజిప్ట్ అంటేనే పిరమిడ్స్, పిరమిడ్స్ అంటేనే ఈజిప్ట్. ఇది మన 7 ప్రపంచ వింతలలో ఒకటి. అన్ని సంవత్సరాల క్రితం అంత పెద్ద పెద్ద రాళ్ళ తో ఆ మ్యాథమెటికల్ క్యాలిక్యులేషన్స్ తోటి కట్టడమన్నది ఇప్పటికీ అంతు పట్టని విషయం.
ఇక్కడి మ్యూజియం చెప్పుకోదగ్గది. దీన్ని మమ్మీస్ మ్యూజియం అంటారు. చాలా సంవత్సరాల కింద బాడీస్ ని కెమికల్స్ తో ట్రీట్మెంట్ చేసి ఇన్నేళ్ల వరకు కూడా మమ్మీస్ ని చెక్కుచెదరకుండా అలాగే ఉంచారు. ఇలాంటి వింతలు, విశేషాలు ఎన్నో ఉన్న ఈజిప్టును చూసితీరాల్సిందే!
బెస్ట్ సీజన్ టు విజిట్ ఈజిప్ట్ – మార్చ్ టు అర్లీ మే మరియు లేట్ సెప్టెంబర్ నుండి నవంబర్ వరకు!
డిసెంబర్ రెండవ వారం వరకు కూడా పర్వాలేదు.
మరింకెందుకు ఆలస్యం మనం నవంబర్, డిసెంబర్ లలోనే ఉన్నాం కదా. ఈ ఏడాది వీలుకాకున్నా వచ్చే సంవత్సరం కూడా ప్రయత్నం చేసుకోవచ్చు. ఇంకేం విజిట్ అండ్ ఎంజాయ్.
