మహాత్మా మళ్ళీ రా…..

సత్యాహింసలు మూర్తీభవించి ప్రభవించిన వ్యక్తిగా విశ్వమంతటా ఖ్యాతిని పొందిన మహాత్మాగాంధీ 150 వ జయంతి ఉత్సవాలుఘనంగాజరుపుకుంటున్నాము. అహింసాయుధంతో పోరాడి పరాయి పాలనను అంత మొందించిన జాతీయ వీరుడే కాక విశ్వమంతటా మానవసంబంధాలను అంతర్జాతీయ సహకారాన్ని వ్యాపింప చేసేందుకు శాశ్వత సూత్రాలను ప్రవచించి ప్రతిపాదించినధీరుడు.
గాంధీ గారు సౌతాఫ్రికాలో నల్లజాతీయుల వివక్షకు వ్యతిరేకంగా పోరాడినందుకు అక్కడి వాడైన డెన్మండ్ టూ టూ అను నతడు మరియు భారతదేశ స్వాతంత్రాన్ని అహింసాయుధంతో సాధించినందుకు యూపీఏ పర్సన్ సోనియాగాంధీ సలహా సూచనతో ఐక్యరాజ్యసమితి 2007 జూన్ 15 నాడు గాంధీ మహాత్ముని పుట్టినరోజైన అక్టోబర్ 2 ను ‘ఇంటర్నేషనల్ డే ఆఫ్ నాన్ వైలెన్స్’ డే గా ప్రకటించారు.
మహాత్ము ని మహిమాన్వితమైన వ్యక్తిత్వాన్ని గురించి గానీ, అర్ధ నగ్నంగా ఉండే ఆ యోగిపుంగవుడి శక్తియుక్తుల గురించి గానీ, చారిత్రక దృష్ట్యా గాని, మానవ దృష్ట్యా గాని అంచనా వేయడం అంత సులభం కాదు. ప్రపంచ ప్రజానీకాన్ని ఆకట్టుకున్న ఆ మనీషి వినూత్నమైన, అత్యద్భుతమైన వ్యక్తిత్వాన్ని గురించి నాలుగు మాటలు వ్రాయాలనుకోవడం నైతిక బాధ్యత.
ఒక్కొక్క మహానుభావులు ఒక్కొక్క క్షేత్రము నందు మాత్రమే మార్గదర్శకమై ప్రజలనుద్ధరింతురు. కానీ గాంధీగారుదేశముయొక్కసర్వతోముఖాభ్యుదయమునకై ఆధ్యాత్మిక ,పర్యావరణ , రాజకీయ, సాంఘిక రంగాలలో నిర్విరామంగా కృషి సల్పి అహింసాయుత సత్యాగ్రహ సమరం ద్వారా స్వరాజ్యమునుసంపాదించి ప్రపంచ చరిత్రలో మరెవ్వరూ పొందలేని స్థానాన్ని ఆక్రమించారు.
వీరికి బ్రాహ్మణుని కుండవలసిన బ్రహ్మజ్ఞానము, క్షత్రియుని కుండవలసిన శౌర్య ధైర్యపరాక్రమములు, వైశ్య ధర్మానుసారం గా పారిశ్రామికాభివృద్ధి వంటి వ్యాపారముల ద్వారా ధర్మబద్ధమైన ఆర్థికాభివృద్ధి నాలుగవదైన సేవాపరాయణత తో తన జీవితాన్నే
అంకితం చేసిన మహా పురుషుడు.
బ్రహ్మచర్య, వానప్రస్థ, సన్యాస, ఆశ్రమ ధర్మాలను నాలుగింటిని పాటించిన పూర్ణ పురుషుడితడు.. చతుర్విధ పురుషార్ధములఅనుష్టించి సాధించుకున్న మహాయోగి.వీరిదృష్టిలోఆధ్యాత్మికమనగానైతికములు. ధర్మ మనగా నీతి. సత్య మనగా స్వతంత్రం.
రవీంద్రనాథ్ ఠాగూర్ గాంధీ ఆశ్రమానికి వెళ్లి నప్పుడు
. ఏషదేవో విశ్వకర్మా మహాత్మా
సదా జనానాం హృదయే సన్నివిష్టః
అను ఉపనిషద్వాక్యాన్ని గాంధీకి అన్వయించి చెప్పి మహాత్మా’ అని సంబోధించినాడట.
స్వాతంత్రం వచ్చాక ఏర్పడ్డ కాంగ్రెస్ ప్రభుత్వంలో ఆ పార్టీకి చెందని వారైన డాక్టర్ బి అంబేద్కర్, శ్యామా ప్రసాద్ ముఖర్జీ, సి.డి.దేష్ముఖ్ లను ప్రభుత్వ యంత్రాంగంలో మంత్రివర్గ సభ్యులుగా చేర్చుకోవాలని దేశ స్వాతంత్ర పోరాటంలో ప్రతీ పౌరుడి పాత్ర ఉంటుందని, నెహ్రూకు సూచించిన రీతి వీరికి ప్రజాస్వామిక వ్యవస్థ పై ఉన్న ప్రగాఢ విశ్వాసానికొక నిదర్శనం. అహింస స్వేచ్ఛాయుత సహకారం వల్లనే నిజమైన ప్రజాస్వామ్యం ఏర్పడుతుందని వీరి నమ్మకం ఏ ప్రభుత్వము ప్రజా పాలన లో తక్కువ జోక్యం కలిగించుకొనునో అదే శ్రేష్టమైన ప్రభుత్వం అనికూడా వీరి అభిప్రాయం.
ఇండియాలో మహత్తరశక్తి గాంధీయే అని న్యూఢిల్లీలో వైస్రాయి లిన్ లిత్ గో ప్రభువు ఒక పత్రికా విలేఖరితో అన్నాడట.
1924 సెప్టెంబర్ లో శ్రద్దానందస్వామిఢిల్లీప్రాంతంలో లేవదీసిన శుద్ధి ఉద్యమం ఫలితంగా హిందూ ముస్లింల మధ్య జరిగిన కలహాన్ని నిరసిస్తూ వారి ఐక్యత నే తన జీవితంలో ప్రధాన ఉద్దేశ్యమని అది ఫలించినప్పుడు మానవుడికి ఉండే 120 సంవత్సరాల ఆయువు తో తాను బ్రతక గలనని, లేనిచో నిరాహార దీక్షకు ఉపక్రమింతునని చెప్పడం వీరి మత సహనానికి ఉదాహరణ.
దేశ స్వాతంత్ర ప్రకటనతో దేశమంతా జయ జయ ధ్వనులతో వేలకంఠాలు మారు మ్రోగుతున్న చారిత్రాత్మక సంఘటన తో ఢిల్లీలోఎర్రకోటపై జాతీయ పతాకం రెపరెపలాడుతున్న తరుణంలో బెంగాల్ లో జరుగుతున్న హిందూ ముస్లింల అల్లర్లను అణచటానికి ఉపవాసదీక్ష అనే అస్త్రంతో అక్కడే ఉండి తను ఆశించింది ఒక్క రాజకీయ స్వాతంత్రం మాత్రమే కాదని సర్వమత ఐక్యత అన్నిటికంటే ముఖ్యమని ఈ మత కక్షల వల్ల తన మనస్సు పాడై నిరాశగాఉన్నదని,ప్రాణం పోయే వరకు ఉపవాసం చేస్తాననిహిందూ-ముస్లింల అంతరాత్మలను హెచ్చరిస్తూ ప్రకటించాడు. దీనితో గాంధీకి ఏమవుతుందోనన్న భయంతో ఇరు మతాలు శాంతిని నెలకొల్పే ప్రయత్నం చేశారు.
ప్రపంచంలో అణుబాంబు నాశనం చేయనిది ఏదైనా ఉందంటే అదే అహింస అని గాంధీజీ ప్రకటించారు. అంతేకాక అహింసా ఆయుధాగారంలో నిరాహార దీక్ష ఆఖరి అస్త్రంగా తలచాడు.
పాకిస్తాన్ నుండి ఇండియాకు బాకీ ఉన్న ఒక పద్దు లోని మొత్తాన్ని రాపట్టుకునేందుకు గాను ఇండియా ప్రభుత్వం తాను పాకిస్థాన్ కి ఇవ్వవలసిన 55 కోట్ల రూపాయలను ఇచ్చుటకు ఆలస్యం చేసినప్పుడు గాంధీజీ మాటపై ఆ మొత్తం వెంటనే వారికి జమకట్టి వేశారు. ఇది వారి నైతికతకు ఒక చక్కని ఉదాహరణ
భారత నాగరికత వ్యవసాయిక నాగరికత అని ప్రపంచమునకు అన్నము కల్పించు వ్యవసాయకుడు సంఘమునకు మూలవిరాట్టుగా తలచెను.
లెక్కకు మించిన ఉత్పత్తికి బదులు లెక్కకు మించిన శ్రామికుల ద్వారా ఉత్పత్తిని కోరే గాంధీ గారు యంత్రీకరణ కు వ్యతిరేకులు కారు కానీ యంత్రాల ఎడ ఉన్మాద ప్రేమను, విచక్షణారహిత యంత్ర వృద్ధిని వ్యతిరేకించారు తప్ప ఆధునిక సాంకేతిక విజ్ఞానాన్ని వ్యతిరేకించలేదు.
వీరి దృష్టిలో స్త్రీలకు అత్యంత గౌరవ స్థానం ఉండేది అన్ని రంగాలలో స్త్రీలు ముందంజ వేయాలని, స్త్రీల పట్ల వివక్ష కూడదని నొక్కివక్కాణించారు.
వీరు అంటరానితనాన్ని తీవ్రంగా వ్యతిరేకిస్తూ డాక్టర్ బి అంబేద్కర్ తో సమానంగా దాని నిర్మూలనకై జీవితాంతం కృషి చేశారు. దేవుని మనుషులు గా పిలవబడే వారే హరిజనులని నామకరణం చేస్తూ వారే దేవుని ప్రేమకు పాత్రులని సాంఘిక అసమానతలకు కనువిప్పు కలిగించారు.
స్వాతంత్ర పోరాటంలో ప్రజలను ఉత్తేజపరుస్తూ ఉపన్యాసాలు ఇస్తున్నప్పుడు గాని, కొత్త కొత్త నిర్ణయాలు తీసుకుంటున్నపుడుగానీ, ఆశ్రమంలో ఉన్నప్పుడు గానీ ఎవరుతన అభిప్రాయాలను తిరస్కరించినా , గౌరవించినా మహాత్ముడు ఓర్పుతో విని అవసరమైన సలహాలను తీసుకునేవాడు.
ముస్లిం పక్షపాతిగా గాంధీని తలచి హిందూ మతోన్మాది ఆ మహాత్మను పేల్చివేసి విశ్వాత్మ లో లీనం చేశారు. భిన్న మతాల సామరస్యానికి జీవితమంతా కృషిచేసి, ‘ఈశ్వర్ అల్లా తేరే నామ్’ అని ప్రతి రోజు ప్రార్థించే అతని నోట ‘ హే రామ్’ ”హేరామ్’ అనే మాట చివరిదైంది.
వారు జీవితాంతం ఏ ఆశయాల కోసం పోరాడారో అవన్నీ ఈనాడు భూస్థాపితం అయిపోయి మామూలుగా ప్రతి ఏడాది అక్టోబర్ 2న జరిగే సభలో ఉపన్యాసాలు సమావేశాలు ఆయన పటానికి బూజు దులిపి పూల దండల అలంకరణ యధావిధిగా జరుగుతున్నది. రాను రాను కొత్త తరాలకు గాంధీ అనే పేరు మాత్రమే తెలిసి గాంధీజయంతి ఉత్సవాలు ఒక విగ్రహారాధన ప్రక్రియగా మారిపోయే ప్రమాదం పొంచి ఉంది.
గాంధీ గారి స్మారక చిహ్నాలు అనేక చోట్ల ఉన్నాయి. విజయవాడలో ఒక కొండకు గాంధీ పర్వతం అని పేరు. భూతలం మీదనే కాక ఆకాశంలో కూడా ఆయన పేరుతో గాంధీ నక్షత్రమని నామకరణం చేయాలని ఆలోచన ఉంది . కానీ గాంధీ గారు భౌతికంగా ఉన్నప్పుడే ఆయనను వ్యక్తిగతంగా కీర్తించడం. భజన చేయడం, పొగడడం ఏవగించుకునే వాడు. కేవలం తన ఆశయాలను. నైతికతను, అహింసా వాదాన్ని గౌరవిస్తూ అవి పాటించాలని కోరేవారు.
కాని పైన చెప్పబడిన వారి ఆశయాలన్నీ మృగ్యమై నేటి సమాజంలో కేవలం పదవి, ధనానికే పట్టాభిషేకం జరుగుతూ, రోజురోజుకు ప్రజాస్వామ్య విలువలు తగ్గిపోతూ, మతకల్లోలాలు మారణహోమా లవుతూ మానవ ప్రకృతి రోజురోజుకు సంకుచితమై, స్వార్థంతో నీచమైఈపోతున్న ఈ తరుణంలో ఈ పరిస్థితులను ప్రక్షాళన చేయాలంటే గాంధేయవాదులు ఇంకా విస్తారంగా గాంధేయ సిద్ధాంతాల ఆశయాల సాహిత్యాన్ని లోకానికి సమర్పించాలి.
గాంధీ జన్మించి 150 సంవత్సరాల తర్వాత కూడా నేటి సమాజానికి యువతకు దేశానికి వారి ప్రబోధాలు అవసరం ఉంది. అంతేగాని ఆయన బోధనలకు తిలోదకాలు ఇస్తూ ఆయనను కరెన్సీ నోట్లపైఒక బొమ్మ గా, రాయిగా చివరకు నక్షత్రంగా మార్చాలి అనుకోవడం అవివేకం.
ఇంత మహనీయుడు అయిన వ్యక్తిఈనేలపైనడిచాడా!” అని భావి తరాల వారు విస్తు పోతారని ఇంకా వేల సంవత్సరాలు అయినా అటువంటి వ్యక్తి ఉండడని ప్రపంచప్రఖ్యాతసైంటిస్ట్ఐన్ స్టీన్ అన్నట్టుఆయనతరతరాలమానవఔన్నత్యానికైబోధించినవిలువలు ,నైతికధర్మాలుమననంచేసుకుంటూప్రభావితులమవుతూ, భావితరాల వారికి