దూరం అంటే ఎంతదూరం
కొలిచి చెప్పే సాధనాలు ఎన్నైనా ఉండవచ్చు
అంతరాలు అవగతమౌతాయా?
మనిషికి,మనసుకు దూరం ఎంత?
శూన్యమా ! అనంతమా !!
కాలం మాటున దాగిన ప్రశ్నలలో
ఊపిరి విలువ ఎంత?
బేరీజు వేయవచ్చా?
సొంతమనుకొని, సొంతం కానీ
అన్ని బంధాలను పెనవేసుకొని
చెట్టాపట్టాలేసుకోకుండా ఉన్నట్టుండి మటుమాయం
హార్ట్ ఎటాక్ తో ఆయువు అంతం
జేబుకున్న చిల్లులు లెక్క పెడితే
గుండెకు ఐన గాయాలు కనిపిస్తాయా?
ఎపుడు ఏ ఉచ్చులో పడుతారో
తనకే తెలియని అమాయకత్వం మనిషిది
కానీ అన్ని ఊహాలు వేయగల అసాధ్యులు !
చిన్న జీవితంలో
దూరమెంతో తెలియని భారప్రయాణం
లెక్కలు చెప్పమంటే ఏమని చెప్పను?
జవాబులు లేని ప్రశ్నలకు
కొలవలేని సమాధానాలకు
నాకు నేనే ఎంతదూరమో??
