ఒక నిన్న మన మధ్య గడిచిపోయింది/
అక్కడ నువ్వుంటివి/
నేనూ ఉంటిని/
ఆ నిన్న నేడూ వచ్చింది/
నువూ ఉన్నావు/
నీతో నేనూ, మనతో మన వారూనూ…/
ఈ నేడు రేపూ వస్తుంది/
బహుశా నేనుండక పోవచ్చు/
నువున్నా…
మన వాళ్ళల్లో ఎందరుంటారో…?ఎందరెల్లి పోతారో…?/
ఇక ఎల్లుండికి/ ఎవరి స్థితులు, గతులు, పరిస్థితులూ
ఏమో…? ఏమిటో…?/
శతాబ్దం బ్రతికి
ఎవరికీ ఏమీ కాకుండా పోయేవారు…/
దశాబ్దాలు బ్రతికీ
ఎందరెందరికో ఏమేమో అయ్యేవారు/
ఎందరో కదరా…?/
నిన్నడుగుతున్నా /
సిరాజ్ నీ లెక్కేమిటీ…???.
*****
