The Cruise ఓ దృశ్యప్రయాణం

Travelag, ధారావాహిక యాత్రాచరిత్ర

“Cruise” ఈ పదమే చాలా vibrating గా ఉంటుంది. ఇది మా సరికొత్త ప్రయాణానుభవాల పరంపర. కానీ, 2016 లో కూడా మా అన్నయ్య డాక్టర్ శ్యాంసుందర్ రావు, మా వదిన రామానుజమ్మ, మా చెల్లెలు కొండపల్లి నీహారిణి, రచయిత్రి ,తరుణి, మయూఖ ఆన్లైన్ పత్రికల ఎడిటర్, మా మరిది గారు కొండపల్లి వేణుగోపాల్ రావు గారు, మా వారు నెల్లుట్ల రఘు రామారావు గారు అందరం మూడు జంటలం Ruby Princess
అనే Cruise లో పది రోజుల ట్రిప్ కు వెళ్లి వచ్చాం. అప్పుడు చాలా enjoy చేసాం. కొత్త ప్రదేశాలు చూడడం మాకు చాలా ఆనందాన్నిచ్చింది. మేమందరం like minded people. అందుకే హాయిగా వెళ్లిరాగలిగాం. రూబీ ప్రిన్సెస్ క్రూజ్ లో అలస్కా కు వెళ్ళాం. 1. Ketchikan 2. Skagway 3.Tracy Arm 4. Sitka and Juneau and Victoria Island (BC) లు చూసి వచ్చాం .
మా చెల్లెలు నీహారిణి అప్పటినుండి ఆ టూర్ గురించి రాయమని అడుగుతూ ఉంది. నాకు బద్ధకం కొంచెం ఎక్కువ. ఇన్నాళ్లకు మళ్ళీ 2025 లో నేను మా వారు ఇద్దరం కలిసి Norwegian Joy Cruise లో unlimited Joy ను ఆస్వాదించడానికి, ఆహ్లాదించడానికి పది రోజుల విహారానికి వెళ్ళాం. మళ్లీ అదే అలస్కా టూర్ కానీ ఈసారి Icy Strait Point, Glacier Bay కూడా add అయ్యి మా ఆనందాన్ని ఇనుమడింప చేసాయి.

“బైటే బైటే క్యా కరే…” అన్నట్టు ఒకరోజు Cruise price లను చూసాం. Lucky గా cheap deal కనిపించింది. వెంటనే టిక్కెట్లు బుక్ చేశాము. అలా స్టార్ట్ అయ్యింది మా అలాస్కా క్రూజ్ ప్రయాణం! మేం ఎక్కిన క్రూజ్ చాలా పెద్ద క్రూజ్. Norwegian Joy లో 10 రోజులు వెళ్ళి వచ్చాం. 2016లో వెళ్ళినప్పుడు క్రూజ్ బుకింగ్ మా పిల్లలు చేశారు. ఈసారి మేమే ప్లేసెస్ సెలెక్ట్ చేసుకోవడం external tours అంటే వేల్ వాచింగ్ లాంటివి అన్ని మేమే స్వయంగా సెలెక్ట్ చేసుకోవడం కొంచెం థ్రిల్లింగ్ గా అనిపించింది. Balcony tickets మాకు expensive అనిపించింది. మేం Ocean view tickets తీసుకున్నాం.
టికెట్స్ కొన్న తర్వాత వెళ్లేముందు ఒక అప్లికేషన్ నింపవలసి ఉంటుంది. అప్లికేషన్లో పుట్టినరోజు, పెళ్లిరోజు అలాంటివి ఏవైనా స్పెషల్ డేస్ ఉంటే

వైభోగమే ఇక. క్రూజ్ రూములోంచి బయటకు వెళ్లి వచ్చేసరికి బెడ్ పైన love గుర్తులు ఉండే balloons , కొన్ని చాక్లెట్స్ పూలు పెట్టి ఉంటాయి ఈ దృశ్యం చూడగానే పెదాల పైన నవ్వు అనుకోకుండా వస్తుంది. బర్త్ డే కేక్ కూడా కట్ చేయిస్తారు. ప్రతిరోజు మన రూమ్ బయట డోర్ కు చిన్న నోటీస్ బాక్సులో ఆరోజు క్రూజ్ లో ఏమి ప్రోగ్రామ్స్ ఉన్నాయో వివరాలు ఉంచుతారు.

ఎదురుచూస్తున్న రోజు రానే వచ్చింది.
కానీ ఈసారి ప్రతి ఫ్లోర్ లో ఒక చిన్న ఎలక్ట్రానిక్ స్క్రీన్ పెట్టారు. దాంట్లో మనం అన్ని వివరాలు చూసుకోవచ్చు ఇప్పుడు ఉన్న ప్రోగ్రామ్స్ ను ఎంజాయ్ చేయవచ్చు.
జూలై 16 నుండి జూలై 25 వరకు క్రుజ్ ప్రయాణం. మేము వాషింగ్టన్ స్టేట్ లోని సియాటిల్ లో ఉంటున్నాం. సియాటిల్ లో క్రూజ్ ప్రారంభమయ్యే పాయింట్ ఉన్నది. ఆ ప్రదేశాన్ని Pier 66 అంటారు. అలాస్కా క్రూజ్ లో వెళ్లాలంటే కెనడా వీసా కావాలి. తిరుగు ప్రయాణంలో క్రూజ్ విక్టోరియా ఐలాండ్ కు వెళుతుంది విక్టోరియా ఐలాండ్ కెనడాలో ఉన్నది. సాయంత్రం నాలుగు గంటలకు క్రూజ్ యాత్ర ప్రారంభం అవుతుంది పన్నెండు ఒంటిగంట మధ్య రిపోర్ట్ చేయాల్సిన సమయం ఇంటర్నేషనల్ ఎయిర్పోర్ట్ కు మూడు గంటలు ముందు వెళ్లినట్టే సి పోర్టుకు కూడా మూడు గంటల ముందే వెళ్లాలి. మాకు ఉన్న అత్యుత్సాహంతో నాలుగు గంటల ముందే వెళ్ళాం.
నార్వేజియన్ క్రూజ్ 20 అంతస్తుల ఉన్న క్రూజ్ .2016 లో రూబీ ప్రిన్స్స్ క్రూజ్ వెళ్ళాము కదా ఆ క్రూజ 19 అంతస్తులు ఉండింది .
ఈ నార్వేజియన్ క్రూజ్ లో ఒకటి నుండి ఆరో ఫ్లోర్ వరకు ఇంజన్స్, ఇంకా దానికి సంబంధించిన మిషనరీ ఉంటుంది. ఆరవ ఫ్లోర్లో క్రూజ్ కు రెండు వైపులా లైఫ్ బోట్స్ ఉంటాయి ఒక్కొక్క లైఫ్ బోట్ లో 135 మంది

ప్రయాణికులను తీసుకువెళ్లవచ్చు. ఏడవ ఫ్లోర్ నుండి 8, 9 ఫ్లోర్లలో రెస్టారెంట్స్, డాన్స్ ఫ్లోర్, క్యాసినోస్ ఉంటాయి. ఇంకా కొన్ని ఎంటర్టైన్మెంట్ ప్రోగ్రామ్స్ కూడా జరిగేవి ఉంటాయి 20వ ఫ్లోర్లో గోల్ఫ్ ఆటకు సంబంధించిన స్థలం ఉండేలా ఏర్పాట్లు ఉన్నాయి. అంతేకాదు ” Go Cart” కార్ రేస్ ఆటకు సంబంధించిన ఏర్పాట్లు కూడా ఉన్నాయి ఈ మధ్యలో ఉన్న అంతస్తులలో కొన్ని స్పెషల్ సూట్స్ , బాల్కనీ రూమ్స్ , విండో వ్యూ ఉన్న రూమ్స్ కొన్ని ఉంటాయి. కొన్నేమో స్టేట్ రూమ్స్ అంటే మధ్యలో వ్యూ లేకుండా ఉండేవి ఉంటాయి. అంటే కొన్ని ఎక్స్పెన్సివ్ , అధిక ధరలతో కొన్ని affordable అంటే మద్యస్థమైన ధరలతో ఎవరి ఇష్టానికి ఎవరి తాహతుకు సరిపోయేలాగా వాళ్ళ కు, డబ్బులు పెట్టగలిగేలాగా ఉంటాయి.
నార్వేజైన్ క్రూజ్ లో ఆహారం ప్రత్యేకంగా ఉంది ఫుడ్ స్పెషల్ గా ఉన్నది. The Taste of India , Mediterranean, Italian, Mexican, Chinese, American ఇలా చెబుతూ వెళితే ఎన్నో రకాలు ఉన్నాయి. Of course మేం భారతీయులం కాబట్టి “The Taste of India” prefer చేసాం. ప్రతిరోజు “వివాహ భోజనంబే….!”అంటే నమ్మండి!
పొద్దున్నే 6:30 నుండే టీ కాఫీలతో ఇంకా రకరకాల బ్రెడ్స్ ఇక ఇండియన్ రెస్టారెంట్లో చెప్పేదేముంది ఇడ్లీ, దోశ, ఉత్తప్పం, పొంగణాలు, ఉప్మా, అటుకుల ఉప్మా అంటే పోహ అంటారే… అదీ, పూరి, వడ! వడా విత్ టమాటా చెట్నీ, ఇంకా కొబ్బరి చెట్ని సాంబారు చెప్పొద్దు కానీ నేను కొంచెం foody నే! అసలు ఈ కొబ్బరి పచ్చడి టమాటా పచ్చడి ఎంత బాగున్నాయి అనుకున్నారు అబ్బో…! ఇక మధ్యాహ్నం భోజనమో… రోజూ స్పెషల్ లంచ్ అన్నట్టు! రెండు రకాల వెజిటేరియన్ కూరలు రెండు నాన్ వెజ్ కూరలో జీరా రైస్, వెజిటబుల్ రైస్, లెంటిల్ రైస్, పులిహోర, పెరుగు పచ్చడి, పెరుగు, కడీ పకోడి , ఇట్లాంటివి ఎన్నో..
డిన్నర్ లో ఆలూ పరోటా, గోబీ పరోటా, పన్నీర్ పరోటా ఇంకా ఏవో తక్కువైనట్టు అన్ని రకాల ఆమ్లెట్స్, రకరకాల సాలడ్స్, పాపడ్స్ రకరకాల ఐస్ క్రీమ్స్ ! ఇవేనో …ఇంకా ఏమైనా మిస్ అయ్యానో ఏమో!! “తినేవాడిదే తిన్నంత మహాదేవ ” అన్నట్టు ఉంటుంది ఫుడ్! వీటిల్లో ఇంకేమో తక్కువైనట్టు కొంతమంది వాళ్ళకి ఇష్టమైన తిండి పదార్థాలను food by order తెప్పించుకుంటారు దానికి pay చేయాల్సి వస్తుంది. మాకైతే అక్కడి

వరకు రానేలేదు chance . ఎవరు ఏమనుకున్నా సరే నేను మాత్రం ” NCL” ( Norwegian Cruise line) నే prefer చేస్తాను. ఎందుకంటే అన్నింటికంటే తిండి ముఖ్యం. మనం భారతీయులం కదా ఎంతైనా జిహ్వచాపల్యం ఎక్కువే , రుచులు ఎక్కువే..ఇది నా అభిప్రాయం మాత్రమే సుమండీ! ఎంత పిజ్జాలో బర్గర్లో తిన్న ఒకటో రెండో రోజులే… మళ్లీ మన ఫుడ్ మన తిండి పైకే మనసు మళ్ళుతుంది. Indian food కావాలి అనుకునే వాళ్లకు మాత్రం ఈ NCL perfect.
ఇక క్రుజ్ లో ప్రతి ఫ్లోర్ ( Deck) లో పిల్లల కోసం చిన్న చిన్న బొమ్మలు చేపలు బాతులు లాంటివి పెడతారు. ఎలా అనుకున్నారు? కనీ కనిపించకుండా కార్నర్స్ లలో పెడతారు. అలా మూలల్లో ఉన్న ఆ బొమ్మలు పిల్లలు చూసుకుని ” హే.. నాకు డక్ బొమ్మ దొరికింది.. ” అనో, ” హే.. నాకు చేప బొమ్మ దొరికింది.. అంటూనో సంతోషిస్తారు. ” నీకేం దొరికింది?” అంటూ మాట్లాడుకుంటారు. ఇది ఒక సరదా పిల్లలకు వాళ్లకు .
ఇంకా, పిల్లల కోసం చిన్న స్విమ్మింగ్ పూల్, రాక్ క్లైంబింగ్ కూడా ఉంటాయి. Of course, డాన్స్ ఫ్లోర్ లలో పిల్లల్ని ప్రత్యేకంగా ఎంగేజ్ చేయవలసిన అవసరమే ఉండదు. ఈ విషయానికి నేను కాస్త ఎక్కువ పాయింట్స్ వేస్తాను. ఎందుకంటే ఇది తల్లిదండ్రులకు చాలా రిలీఫ్ ను ఇస్తుంది. వాళ్లకు కూడా relaxation అవసరమే కదా పాపం . Food కోసం క్యూ లో నిలుచునే అవసరం కూడా అంతగా ఉండదు.
పెద్ద వాళ్ళకి కూడా చాలా ప్రోగ్రామ్స్ ఉంటాయి. డాన్స్ ఫ్లోర్, క్విజ్, సాంగ్స్ అండ్ మ్యూజిక్ , బింగో, డీల్ ఆర్ నో డీల్ , ఫొటోస్ దిగడానికి ఒక ప్లేస్, స్విమ్మింగ్ పూల్స్ , బార్ లు దాదాపు ఉంటాయి.
“NCL” లో ఒక పెద్ద లైబ్రరీ కూడా ఉంది. ” Ruby Princess” క్రూజ్ లో ఉందో లేదో తెలియదు అప్పుడు నేను చూడలేదు. కానీ, ఇందులో ఉన్న లైబ్రరీలో బుక్స్ తో పాటు స్క్రాబెల్, చైనీస్ చెక్కర్, బింగో, చెస్ వంటి గేమ్స్ కూడా ఉన్నాయి. వాటిని డెక్ పైకి, వాళ్ళ రూమ్స్ లోకి తీసుకువెళ్లి మళ్ళీ రిటర్న్ చేయవచ్చు .
ప్రొద్దున్నే “యోగ” చేయిస్తారు. ఇంకా కొన్ని ఎక్సర్సైజులు కూడా చేయించే వాళ్ళు ఉంటారు. చాలా పొడవు వాకింగ్ ట్రాక్ కూడా ఉంటుంది. పొద్దున్నే లేలేత కిరణాలు సముద్రం పైన పడుతున్నప్పుడు వాటిని చూస్తూ

వాకింగ్ ట్రాక్ పైన నడుస్తూ ఉంటే చాలా ప్రశాంతంగా అనిపించింది.
Deck 9 లో షాపింగ్ కూడా చేయవచ్చు. హ్యాండ్ బ్యాగ్స్, డ్రెస్సెస్ ఇంకా కొంత జ్యువలరీ కూడా అమ్ముతారు. ఫోటో గ్యాలరీ కూడా ఉంది.
ప్రముఖ చిత్రకారుల కళాఖండాలు కూడా ‘సేల్స్’ కి ఉంటాయి చాలా ఖరీదు వాటికి నిజంగా అయితే అవి అమూల్యం.
19th Deck లో Spa ladies and gents కి separate గా ఉంటుంది.
నార్వేజియన్ జాయిలో ఫుడ్ కోసం రెస్టారెంట్లకు వెళ్లేప్పుడు అక్కడ ఒక ఎంప్లాయ్ ఉన్నాడు గెస్ట్ లను రిసీవ్ చేసుకోవడానికి. అతడు మ్యూజిక్ ఇన్స్ట్రుమెంట్ ” కంజర్” ను వాయిస్తూ, ప్రతిరోజు ఇన్విటేషన్ లా స్వాగతం పాడేవాడు. అదెలా అనుకున్నారు? ఒకే ఒక్క వర్డ్ ను రాగయుత్తంగా పాడుతూ ఇన్వైట్ చేశాడు ” wash… washy.. washu ..” అంటూ రాగయుక్తంగా పాడేవాడు అంటే ఏంటి అనుకున్నారు చేతులు కడుక్కోమని చెప్పడం అన్నమాట! కొంతమంది ప్రయాణికులు అతనితో ఫోటోలు కూడా దిగేవాళ్ళు. ఆ ప్లేస్ కి రాగానే అందరం అనుకోకుండా అటువైపే చూసేవాళ్ళం.
ఒకరోజు ” Mickey Mouse” డ్రెస్ లో ఒక అతను ప్రత్యక్షం అతని చుట్టూ పిల్లలు అప్పుడప్పుడు పెద్ద వాళ్ళు కూడా పిక్చర్స్ దిగడం గమనించాం.
మరొక రోజున ” Sponge Bob ” dress లో ఒకతణ్ణి చూశాం. ఇంకా కొన్ని క్యారెక్టర్స్ కొన్ని క్రియేట్ చేసి రకరకాల వేషధారణలతో అలంకరించుకొని ఉండేవాళ్ళు నిజంగా వాళ్ళ క్రియేటివ్ ఐడియాస్ ను మెచ్చుకోకుండా ఉండలేం .
Food లో కూడా creativity ని చూపించారు. రకరకాల shapes లలో బిస్కెట్లు కేకులు తయారుచేసి పెట్టే వాళ్ళు డైనింగ్ ఏరియాలో రకరకాల పూలతో చక్కని అలంకరణలు చేసేవాళ్ళు ఇవన్నీ ఉదయం 6:30 నుండి రాత్రి 9 కొన్ని సార్లు 10 గంటల వరకు కూడా ఉండేవి. నిజంగా క్రూజ్ స్టాప్ ఎప్పుడు పడుకుంటారో? ఎప్పుడు లేస్తారో? తెలియదు! మనకు మాత్రం ఫుల్ ఎంటర్టైన్మెంట్ అనే చెప్పాలి!!
మామూలుగా అయితే క్రూజ్ షిప్ స్పీడ్ అనేది itinerary మీద depend అయ్యుంటుంది. Average speed 20 knots . మనకు విమానంలో వచ్చేప్పుడు కూడా turbulence feel అయినట్టే క్రూజ్ లో

కూడా ఉంటాయి కొంచెం ఎక్కువైతే తూలినట్టు అవుతామని విన్నాను కానీ రెండుసార్లు వెళ్లిన నాకైతే turbulence ఎక్కువ అనిపించలేదు. రాత్రిపూట కొంచెం స్పీడ్ ఎక్కువైనట్టు మనకు తెలుస్తుంది. ఈమధ్య అందరూ వాడుతున్న జోక్ ఇక్కడ గుర్తుకొచ్చింది నాకు. ” కౌశిక్ అంటే time , time అంటే కౌశిక్” అని ఏ సినిమాలో ఎవరన్నారో తెలియదు కానీ, క్రూజ్ లో చాలా కరెక్ట్ అనిపించింది. 4.00 pm embarking time అంటే Itinerary లో
కరెక్ట్ గా 4.00 pm కు క్రూజ్ ప్రారంభమైంది. 3,200 మంది passengers. 1,200 మంది crew వాళ్ళు. ఎంత బ్రహ్మాండమైన ratio కదండి? ప్రయాణికుల పట్ల క్రూజ్ వాళ్ళు చూపించే ఆదరణ అదరహో…
Crew లో చాలామంది భారతీయులు ఉన్నారు. అందులో నాకు అర్థమైన దాని ప్రకారం crew ఉద్యోగస్తులు కేరళ వాళ్ళు ఎక్కువ అనిపించారు. అందులో ఒకరిద్దరికి మమ్మల్ని చూడగానే పాపం వాళ్ళ తల్లిదండ్రులు గుర్తుకొచ్చారేమో చాలా అభిమానంగా పలకరించే వాళ్ళు. ఎంత jeans and t-shirt వేసుకున్న కూడా మన ‘బొట్టు’ తో తెలిసిపోతుంది కదా!
అందరినీ అందరూ బాగానే రిసీవ్ చేసుకుంటారు కానీ, ఎందుకో మా పట్ల ఎక్కువ శ్రద్ధనే చూపించారు. మాకు కూడా “పాపం” అనిపించేది. సంవత్సరంలో 9 నెలలు ఎక్కడో సముద్రంలో వాళ్ళ family కి దూరంగా ఉంటారు కదా అని అనిపించేది.
Crew లో ఒక చిన్న pharmacy కూడా ఉంటుంది. అక్కడ, Tylenol, DayQuil, nightquil వంటి మెడిసిన్స్ కూడా అందుబాటులో ఉంటాయి. ఇంకా కొన్ని క్రూజ్ ల లో పైన helipad కూడా ఉంటుంది. NCL లో ఉందో లేదో తెలియదు.

కొందరికి ప్రయాణాలు అంటే పడవ ప్రయాణం , విమాన ప్రయాణం వంటివి పడవు అయితే వాళ్లకు వాంతులు రాకుండా ఇచ్చే మందులు కూడా ఉంటాయి.
క్రూజ్ లో wheelchair access గురించి ప్రత్యేకంగా చెప్పాలి. దాదాపు ప్రతి డెక్ లో ఇవి అందుబాటులో ఉంటాయి.
అంధులకు వీళ్ళు ఇచ్చే facilities are amazing! హిందీ సినిమాలకు సంగీతం సమకూర్చిన మ్యూజిక్ చేసిన అంటే, లిరిసిస్ట్ … రవీంద్ర జైన్

అతను కూడా అంధుడు. ఈయన వ్రాసిన “గీత్ గాతా చల్ ఓ సాథీ… గున్ గునాతా చల్…” పాటలో అతను చూసి ఆ ఆనందాన్ని అనుభవించి వ్రాసినట్టే ఉంటుంది అది ఇక్కడ ఎందుకు చెబుతున్నానంటే అందులో సముద్రపు ప్రయాణాన్ని ఆస్వాదించి enjoy చేస్తారు.
ఇక కొన్ని థీమ్స్ తోని చేసిన షో లు జరుగుతూ ఉంటాయి. ఆ వేదికకు అంటే స్టేజ్ కి ఇరువైపులా ఇద్దరు నిలబడి ” dumb and deaf వాళ్లకు ఎక్స్ప్లెయిన్ చేసే తీరు ప్రశంసాత్మకంగా ఉంటుంది. ఆ దృశ్యం నిజంగా అద్భుతం. ఎంత శ్రద్ధగా చెప్తారో! ఇంకా అలాంటి వాళ్ళకి స్టాఫ్ చేసే సహాయం సదా అభినందనీయం. ఏది ఎవ్వరూ మిస్ కావద్దు అనేదే వాళ్ళ కాన్సెప్ట్. ఇది చాలా బాగుంది.
క్రూజ్ లో పెంపుడు జంతువులు, pets ను తీసుకువెళ్లలేము. కొన్ని ప్రత్యేకమైన ట్రైనింగ్ తీసుకున్న కుక్కలు మాత్రమే ప్రవేశం కలిగి ఉంటాయి దివ్యాంగులకు సహాయపడే ట్రైనింగ్ లాగా ఉండాలి. అది కాకుండా కుక్కలంటే చాలా ఇష్టం వాటిని వదిలి ఉండలేము భావోద్వేగాల మధ్య ఉండే రిలేషన్ షిప్ లో ఉన్న కుక్కలకు ప్రవేశం లేదు.
ఏరకమైన ట్రైనింగ్ తీసుకున్న కుక్కలేనా సరే వాటి ఆహారం యజమానులే తెచ్చుకోవాల్సి ఉంటుంది అంతేకాదు వాటికి యజమానులు అంటే ఓనర్స్ రెండు వారాల క్రితమే టికెట్ బుక్ చేసుకోవాలి. బుకింగ్ అప్పుడే వ్యాక్సినేషన్ ఇప్పించినట్టు ఇంకా హెల్త్ సర్టిఫికెట్ జత చేయాల్సి ఉంటుంది వాటి ఆహారంతో పాటు వాటి మందులు, వాటికి నీళ్ళల్లో ఉపయోగించే లైఫ్ జాకెట్స్ తెచ్చుకోవాల్సి ఉంటుంది.
క్రూజ్ లో WiFi ఉండదు. WhatsApp ల బాధ ఉండదు. బాదుడూ ఉండదు. Of course కొందరికి కావాలి. అయితే, ఒక ప్లేస్ లో డబ్బులు కట్టి చేసి ఉపయోగించుకోవచ్చు .
కానీ క్రూజ్ లో ATM సౌకర్యం కూడా ఉంటుంది ఇది ” casinos” లో ‘ cash ‘ దగ్గర ఉంటుంది చార్జెస్ కొంచెం భారీగానే ఉంటాయి క్రూజ్ లో క్యాష్ తోనే కొనే సౌకర్యం లేదు.
మరో ముఖ్యమైన విషయం ….సాధారణంగా క్రూజ్ లో పొగ త్రాగడం నిషేధం. కానీ కొన్ని areas లో స్పెషల్ గా స్మోక్ చేసే ప్రదేశాలు ఉంటాయి. NLC లో కెసినో దగ్గర పొగ తాగేందుకు కాసినో, casino దగ్గర అనుమతిఉన్నది.
19 వ డెక్ లో ఒక ” జకోజీ” , రెండు స్విమ్మింగ్ పూల్స్ ఒకటి పెద్దది మరోటి చిన్నది ఉన్నాయి. వాటికి ఎదురుగా చాలా పెద్ద T.V ఏర్పాటు చేశారు. ఒకపక్క బార్ ఇంకోపక్క రెస్టారెంట్ టీ కాఫీలు ఎక్కడున్నా ఫ్రీ ఇంకా ఏవేవో హాట్ డ్రింక్స్ అలాంటి వాటికి pay చేయాల్సి వస్తుంది.
Crew కు ప్రక్కల పెద్ద పెద్ద హీటర్స్ పెట్టారు మేము కాసేపు స్విమ్మింగ్ పూల్ దగ్గర ఉండేసరికి చల్లగా అనిపించేదే అనుకోండి వెంటనే హీటర్స్ ఉన్న ప్లేస్ లోకి వెళ్లి నిలబడే వాళ్ళం.

ఇక, elevators గురించి కూడా చెప్పుకోవాల్సిందే! ప్రతి డెక్ లో రెండు ప్రక్కల ఇటు నాలుగు అటు నాలుగు ఎలివేటర్స్ ఉంటాయి. ఎప్పుడు ఫుల్ గా ఉంటుంటాయి ప్రక్కన వాల్పపైన బోర్డులో ఏ రోజు ఏ డెక్ లో ఏమి ప్రోగ్రామ్స్ ఉన్నాయి ఏ రెస్టారెంట్ లో ఏఏ మెనూ ఉంది అనేది చూసుకునేలా ఏర్పరిచారు.
Cruise కు లోపల బయట C.C. camera లూ ఉంటాయి .‌ రెండు పక్కల స్క్రీన్ లలో సముద్రం పైన పడవ వెళ్లే దంతా చూడవచ్చు. 9 th డెక్ లో సోలు గా చిన్న చిన్న ఆటలు పెట్టేవాళ్ళు గేమ్స్ గెలిచిన వాళ్ళ ” Ticket to Florida అలాంటివి ఉంటాయి. 300 డాలర్లు 200 డాలర్లు అలా క్యాష్ ప్రైస్ కూడా ఉంటుంది.
ఇక్కడ సాధారణంగా Casinos ను బాగా ఇష్టపడతారు. అదికూడా డెక్ లోనే దాదాపు 24 గంటలు తెరిచే ఉంటుంది. Lucky draw లు కూడా ఉంటాయి వాటిలో వస్తే ‘ earrings’ లాంటి వి చిన్న చిన్న గిఫ్ట్స్ ఇంకా ఓపెన్ చేయగానే ” first to come first to serve” పద్ధతిలో ఒకరోజు ” జువెలరీ ( 18 క్యారెట్స్, 16 క్యారెట్స్) వంటివి వాళ్ల నుండి ఆఫర్స్ కూడా ఉంటాయి.

(ఇంకా ఉంది)