ఆడదంటే

ఆడదంటే కష్టాలు కన్నీళ్ళు కాదు –
బయపడకు తల్లి భయఆపడకు
ఇప్పుడు నీ కర్తవ్యం కన్నీళ్ళు కార్చడం కాదు
నీ చిరకాల స్వప్నం సాకారం చేసుకోవడం.
నీశక్తి నీవు తెలుసుకొని. ఆపరకాళిలా మారాలి నివు
మహభారతపర్వంలో ద్రౌపతి కావు నీవు
నిప్పును నీళ్ళలా దోసిళ్ళతో సేవించగల నేర్పరివి నివు
అబలవు కావు నీవు బద్దలైన అగ్ని పర్వతం జ్వలనం నీవు.
స్తన్యం. అందని చంటిపిల్లలా ఎక్కేక్కి పడి ఏడువకు నీవు
మోసపోయిన ఆడకూతూర్ల నిక్కమైన దిక్కారస్వరం నీవు..
దగాపడ్డ ఆడపిల్లలు ఆలపించిన విముక్తగేయం నీవు.
ప్రశ్నార్ధకమైన బతుకులకు పోరాట నినాదం నీవు ..

శాంతివ్యూహాలను వల్లిస్తే సరిపోదు నీవు
సర్వతంత్రులను మీటి నీవు వేటాడే మగ మృగాలను ప్రారతోలాలి నీవు
అప్పుడే తిరగపడ్డ వీణ ఆగ్రహాజన తంత్రివి నీవు
అసిత్వ పోరుకు ఆర్తివి కావాలి నీవు
పక్షవాతం వచ్చిన మగహృదయలకు నీవు అక్షరజ్ఞానా ఖడ్గాలను సంధిస్తూ నీవు
శస్త్రచికిత్సలు చేయాలి నీవు
రాబోయే తరాలకు కొత్త కాలజ్ఞానం లిఖిoచాలి నీవు
పసిరికలు వచ్చి పచ్చబడ్డ కీచకుల కళ్ళల్లో నీవు కారం నీళ్ళు చల్లాలి నీవు
నీవు ఓక సైన్యంగా పోరాటం చేస్తూ
పోరు జీవన పాఠాలు నేర్పాలి నీవు
మగవాళ్ళ గుండెల్లొ పెల్లుబికిన అగ్నిశిఖలా ప్రజ్వలించాలి. నీవు
స్త్రీ జాతిస్వప్నం సాకారం చేస్తూ ప్రణవమై ప్రదీప్తించాలి నీవు
అప్పుడే ధిక్కార పు సమాజంలో దివిటివి అవుతావు నీవు
స్వయం సంపూర్ణ చిహ్నానివి నీవు అవుతావు బిడ్డా..