బాలేశుని జాతర

ఆసిఫాబాద్ కుమ్రంభీమ్ జిల్లా లో జరిగే బాలేశుని జాతర రేపటికి లాస్ట్

1.కందము
బాలేశుని జాతరయే
కోలాహలముగ జరుగును కూరిమి పెంచున్
వేలుపు జనగామ ప్రజల
మేలొన రించుచు ముదముగ
మిక్కిలి ప్రియమై!
2.
తలచిన చాలును భక్తిగ
కలలో నగుపడి యొసగును కామిత సిద్ధిన్
వెలసెను వాగొడ్డున తా
బల వికరుణుడయి కరముల ప్రార్థన వలనన్!
3.
తర తరములుగా పూజలు
విరివిగ జేయుచు రథమును వేడుక తోడన్
పురమున భవుడిని త్రిప్పగ
కరమగు పాటలు భజనలు కళ్యాణమిడున్!
4.
గొప్పగ జరుగును జాతర
లొప్పుగ ముడుపులు శివునికి నుత్సాహముతో
కుప్పలు తెప్పలుగ జనులు
నప్పుర మందు నడయాడు నచ్చెరు వొందన్!
5.
జంగమ వంశపు వారలు
లింగని కభిషేకములను ప్రేమగ జేయన్
హంగులు నార్భాటముతో
పొంగులు జిమ్మును మెరుపులు పున్నమి వెలుగుల్!
6.
అన్నుల మిన్నగ శివుడిని
సన్నుతి జేయగ మనమున స్వాంతన కలుగన్
పిన్నలు పెద్దల కలయిక చెన్నుగ రథయాత్ర శోభ చిత్రము నుండున్!
7.
కన్నుల పండుగ జాతర
మిన్నును దాకెడు దరువులు మేలిమి రవముల్
సన్నిహితము జేయు జనుల
కున్నతి‌ కాంక్షలు మలుపుల నొప్పును జవమై!
8.
రవి సప్తాశ్వముల రథము
పవిధముల శక్తియుక్తి పటుతర‌ పర్చన్
సవితా రాధన దీవెన
నవ తేజము నింపు నవని నాశము లేకన్!
9.
పర్వము రథసప్తమి యై
సర్వము సుఖ శాంతు లొసగు సౌరులు పంచున్
నిర్వీర్యత ద్రుంచు ప్రజల
నిర్వాహక మైక్య సంఘ నేస్తము లొకటై!
10
రంగుల సింగిడి గా రవి
నింగిని వెదజల్లె కాంతి నీలపు రూపున్
చెంగున దూకుచు ధరణీన
మంగళ మూర్తిగ నిలిచెను మౌళి భృకుటి పై!