ఆరాధన

నీకు ఇష్టమో కాదో తెలియదు కానీ
నిన్ను మనసంతా నింపుకుని
నిరంతరం ఆరాధిస్తూనే ఉన్నాను
నాకు సంక్రమించిన ఒక జన్మహక్కుగా

నీ స్పందనేమిటో
తెలియనప్పటికీ …. తెలిసి రానప్పటికీ
ఇకమీదట కూడా
ఇలాగే ఆరాధిస్తూనే ఉంటానేమో

నిన్ను వేధించనంత వరకూ
నీ నుంచి ఏమీ ఆశించినంత వరకూ
నా ఆరాధనేమీ తప్పు కాదు కదా..!

నీ మనసునివ్వమని
హఠం చేస్తూ అడగకుండా
నీ పాదాల వద్ద నా మనసును
అర్పించడమేమీ తప్పు కాదు కదా…!!