ఈ సృష్టి ఉంటుందా..?

ఆడ కూతురుగా పుట్టానని
అమ్మే నన్ను చిదిమేస్తుంది

ప్రేమ పెళ్లి చేసుకున్నానని
కన్నవాళ్లే పరువు పేరుతో
నా ఉసురు తీస్తున్నారు

కాముకులు నా జీవితాన్ని
కుక్కలు చించిన విస్తరిచేస్తున్నారు

అత్తింటిలో కట్నదాహం
నన్ను అగ్గికి ఆహుతిచేస్తుంది

మేథావుల్లారా మౌనం వీడండి
మనుషుల్లారా సమాధానం చెప్పండి
ప్రజాస్వామ్య భారతంలో నాకు..
బ్రతికే అర్హతలేదా..?

నేను లేకుంటే..
ఈ సృష్టి ఉంటుందా..?