నిరంజనుడి ప్రభంజనం నీటి మనసుకు తెలుసు
పాలమూరు పాల సముద్రమన్నా
అస్తిత్వాకాశంలో
వెలుగుతున్న ధృవతార అన్నా నిజమే మరి!
నేనైతే ఆయన వెంట
నాలుగడుగులు నడిచిన పాపాన పోలేదు గానీ
నా ఆదర్శ దాంపత్యానికి ఆత్మబంధువతనే!
ఆయనదంతా
ప్రజాదివ్వెల్ని వెలిగించడానికి
చమురుగానో వత్తిగానో
యేదోవొకటి కావడానికేగా ఆయన జీవనయాణం
పాలిచ్చే పొదుగుల్ని
పితుక్కునే శ్రద్దెంకు లేదో తెలియదుగానీ
పల్లెకు పాలుపోసే పశువుల మీది ప్రేమకొద్ది
బతుకును పచ్చి గడ్డిలా పునీతం చేసుకున్న దేశభక్తుడతడు
రాజహంస రెక్కల్ని ముడుచుకున్నట్లు
సేద్యగాళ్ళ సోయగాలను
పంచకట్టు మడతల్లో దాచిదాచి చూపగలడు
ఆయన నగువు ముందు
ఎన్ని తగువులైనా అదృశ్యమైపోతాయంతే!
కరువులోయలో పుట్టిన బిడ్డ కావడంవల్లే అనుకుంట
వంచకుల రెక్కల్నితుంచే
ఉప్పొంగిన ఉద్యమ ఉషస్సుకు ఊపిరి ఊదడంవల్లే
మన జాతి పాలపిట్ల విజయదుందుభి మ్రోగించ గలిగింది!
ఔను
సమర శంఖస్వరంలో
ప్రతిధ్వనించిన ముక్తస్వరం ఆయనదే!
నిబద్ధతకు నీడనిచ్చే చెట్టేగా ఆయన ఆదర్శం
ప్లీడరా లీడరా అని కాదు
ఆయనకున్న రెండు చేతులు అవే!
నిరంజనా! నిరంజనా!
నీవు జలసముద్రానివే కాదు జనసముద్రానివి కూడా!
ఓ కృషీవలుడా!
మా కాంక్ష ఆకాంక్ష వొక్కటే
అడుగు తీసి అడుగేసినప్పుడల్లా
ఆ అడుగుల అస్త్రవిద్యను మట్టి పాదాలకు నేర్పుతూనే ఉండు
నీ వెనక నడిచే పంటపొలం ఆడుతూ పాడుతూ అవనికి అన్నం పెట్టగలదు.
