దసరా పండుగ
కన్నుల నిండుగ
తెచ్చింది వేడుకలు మెండుగ
కనక దుర్గమ్మ చల్లని చూపుల
ప్రసరించిన వెన్నెల కాంతులే
ప్రభవించిన వన్నెల జ్యోతులే
ముద్దబంతి చేమంతుల నడుమ
పచ్చని తోరణాలు
ఉల్లాసపు వేకువ వెలుగుల
కోటి కిరణాలు
ఆయుధ పూజల నవరాత్రులలో
దేవిని కొలిచే శుభరాత్రులతో
ధర్మమే వెలిగే దివ్యత్వం కావాలి
ఆనందం విరిసే ఆశ్వయుజ మై
అందాల బంగరు దశమి సంబరమీనాడే కావాలి
విజయ సంతోషాలు సంభవమీనాడే
ఏడాదినా సాగాలి
ప్రియజనుల మది తలచే
మధుర భావనల వేడుకలో
జమ్మియే బంగరు కానుకలౌ
విరిసిన అందాల కూటమి
ఈ విజయదశమి
