సృష్టికి ప్రతిసృష్టిది
ప్రగతిలో ముందడుగిది
అభివృద్ధిలో ముందంజది
నాగరికతలో ముందుచూపుది
ఐనా ఒక కోణమేగా ఇది
సాంకేతిక రంగాన పరుగులు
శాస్త్ర విజ్ఞానమున జ్ఞానులు
సాంఘిక, గణిత శాస్త్ర కోవిదులు
మరచిన మానవతా వాదులు
పెరిగిన అత్యాసల స్వార్ధపరులు
సులభతరం ఎంచుకుని
సౌలభ్యం అందుకుని
అడ్డదారులు ఏర్పరచుకుని
అదే విజయమని జెబ్బలు చరచుకుని
తిని కూర్చుని అలసిపోయే జనులు
ప్లాస్టిక్ కనుగొని మురిసి
అవసరాలకు అక్కరకొచ్చునని మురిసి
చరవాణుల అభివృద్ధిలో ముందడుగేసి
పక్కికూనల చావులని గాలికొదలేసి
అవసరాలు తీరుట ముఖ్యమనుకునే అజ్ఞానులు
ప్లాస్టిక్ వ్యర్ధాలు తిని పశువులు
సముద్రంలో కలిసి చలచరాలు
తెలియకనే మనలో నింపుకుని
ప్లాస్టిక్ కోరలకు చిక్కి విలవిలలైనా మార్పురాని మందమతులం
గమ్యంచేరేందుకు సులభమని
ద్వి,చతుః చక్ర వాహనాలు శ్రేష్టమని
దూరాలకు హద్దులు చెరుపుకుని
ఎన్నింటినో కనిపెట్టుకుని
కాలుష్యంలో చిక్కి సమసిపోతున్నాం
ఇకనైనా తెలుసుకో
నిను నీవే మార్చుకో
విజయంవైపు సాగిపో
నిస్వార్ధంగా ఎదిగిపో
సమాజహితం కోరుకో
సామాజిక బాధ్యత మరువకు
నీబగెలుపే ముఖ్యమనుకోకు
తోటివారి విజయానికివసహకరించు
భవిష్యత్ తరాలకి మంచిని పంచు
కాలుష్య రహిత సమాజంగా ముందుతరాలకి అందించు మానవా!!!!!
