బ్రతుకు అర్ధం తెలియచేసేదే మానవత్వమే
మానసనిశీధి రెప్పలపై కాంతిరేఖ
మానవత్వమే
గుండెలోని అలజడులు కాలం చేసే గాయాలు
రుధిరపు మడుగుల ప్రళయంతో చితిని పేర్చవద్దురా
మనసులోని నిరాశకు ఆత్మీయతే
రేపటి పొద్దు
గగనపు దేవుడి రూపుకు పసిడే
అలంకారం కాదు
మనసే మాధవుడైతే మానవత్వమే వేదమంత్ర మవుతుంది.
పులకించే పూలగాలిలో శుభోదయం
మానవత్వ పరిమళమే మహోదయమై మహిని మురిపించే
సరిగమల పాట మానవత్వం.
ఋతువుల్లో మధువంతా
అనురాగపు మాటలవ్వాలిరా
మమతా సమతలతో మనసుబంధం పెనవేయాలు
కులమతాల కుమ్ములాటలు
రంగుల లోకపు భాగోతాలు
అనుబంధపు ప్రేమలే నింగి దేవుడి వాకిళ్ళు
చెలిమిని పంచేటి మానవత్వమే నిర్మల మానసం
మానవత్వమే మనిషిని మాధవుణ్ణి చేసే
నిత్య సత్యమైన అలంకారం.
