ఆవహించుగాక

ఎందరో పుడుతున్నరు 

కాలంలో కలిసిపోతున్నరు 

కొందరు మాత్రం

చెరిగిపోనంత ప్రభావంతో

చెరపలేనంత ప్రజ్ఞానంతో

కాలం పై తమ ముద్రని

మిగిల్చి పోతరు….

తామే ఓ చరిత్ర అయి

చరిత్రలో నిల్చిపోతరు

కొందరికి పుట్టుకే పండగ

కొందరికి చావే పండగ

రెండింటి మధ్యలోని

సార్థక జీవనమే నిన్నైనా

నన్నైనా చరిత్రలో నిలబెట్టేది

రాముడు దేవుడయ్యాడు

ధర్మ జీవనం వల్లనే

రాణా ప్రతాప్ వీరుడయ్యాడు

కర్మ జీవనం వల్లనే

ఓ శివాజీ… ఓ భగత్ సింగ్

ఒక్కొక్కరిది ఓ త్యాగమయం

ఒక్కొక్కరిది ఒక్కో జీవనముద్ర

చరిత్రలో నిలిచిపోయారు

వారి వారసత్వమే మనదీ

వారి ఆత్మతత్వమే మనదీ

ఆ అమరుల ఆత్మలన్ని

140 కోట్ల నా దేశవాసుల్ని

ఆవహించుగాక..