ఆ బ్రహ్మ పోసినా ప్రాణమా
విధి వెక్కిరింపుకు సాక్ష్యమా
లేక….
సమాజంలోని కుటిలత్వానికి
శాపంగా మిగిలిన దేహమా
నీ తలరాతను మార్చేస్తున్న ఆ గీతలు
చావుపుట్టుకులే చెప్పలేని రాతలు
బతుకు భారాలను తెలిపే ఒట్టి శరీరపు ముడతలు
శాస్త్రనికి సైన్స్కి మధ్య ఊగిసలాడే విధిలిఖితాలు
తప్పొప్పులు తేల్చలేని ధర్మసందేహాలు
నిగూఢంగా నిలిచిపోయిన వాస్తవ రేఖలు
మనిషి విజ్ఞానానికి అంతుపట్టని రహస్యాలు
సృష్టికి ప్రతిసృష్టి చేయాలనే ఆలోచనలు
పుట్టగొడుగుల్లా పుట్టుకొస్తున్న మేధావులు
సహజ గుణాన్ని కోల్పోతున్నా దేహాలు
ప్రాణం పోయటానికి పనికిరాని విజ్ఞతలు
ప్రాణాలను తీసేందుకు మాత్రం ఎన్నో తంత్రాలు
మనిషికి మనిషే శత్రువై మార్చేస్తున్నారు
నోసటి మీద గీతలు… మీ తలరాతలు…!!
