భాస్కరుడు రాసులు మారడం మకర సంక్రాంతి
నాయకులు పార్టీలు మారడం వికృత సంక్రాంతి
నారీమణులు ముగ్గులు వేయడం మకర సంక్రాంతి
నాయకమణులు దురాగతాచరణకు స్కెచ్చులు వేయడం వికృత సంక్రాంతి
దాసరులు గంగిరెద్దుల నాడించడం మకర సంక్రాంతి
మోసరులు సంఘాన్నే ఆడించడం వికృత సంక్రాంతి
హరిదాసుల భగవత్సం కీర్తనం మకర సంక్రాంతి
జనరాసుల జగజ్జంత్రీల కీర్తనం వికృత సంక్రాంతి
మకర సంక్రాంతి ఏడాది కొక్కసారే వస్తుండగాా
వికృత సంక్రాంతి ఎల్లవేళలా నర్తిస్తుండడమే
హృదయాలలో జరిగే వ్యధా సంక్రాంతి
వెరసి ఇప్పుడు జరిగేది వ్యధా వికృత సంక్రాంతి
