రహదారులన్నీ పచ్చి నెత్తురు పులుముకుంటున్నాయి…
పులుముకోవాల్సివస్తోందేమో
కొన్ని సార్లు బలవంతంగా కూడా!
కూడా శిరసుకు ఉండాల్సిన రక్షక శిరస్ర్తాణాలు …
శిరస్త్రాణాలే ద్విచక్ర వాహనాలకు అలంకారాలుగా మారుతుంటే
మారుతున్న తలరాతలను ఆపడం ఎవరితరం
తరం తరం నిరంతరం నిర్లక్ష్యం తలను మోస్తుంటే
మోస్తున్న బాధ్యతల భారం గుర్తుకురాదా మరి
మరి గుర్తుంచుకుని ప్రాణం పెట్టాల్సిన బంధాలకు నీవులేకపోతే భరోసా ఏది
ఏది ఆ క్షణం ఓ సారి మనసున మెదిలితే
మెదులుతున్నంత కాలం ఆ బాధ్యత నీ హృదయంలో
హృదయం శిరస్త్రాణాన్ని మరువదు
మరువదు తన తలపై ఉన్న బాధ్యతను…
బాధ్యతతో నడుచుకున్నంత కాలం నల్లటి రహదారి
రహదారే అవుతుంది నీ చిరునవ్వులకు
చిరునవ్వులతో కలకలలాడే నీ అనుబంధాలకు.
విజయలక్ష్మీనాగరాజ్
కరీంనగర్
8187010817
