బలమైన పదార్థాలంటూ నా
యోగ క్షేమం వహామ్యహంగా
కొసరి కొసరి తిన్నవన్నీ నేనే
అమ్మ కడుపులో ఉండి
గుట్టు చప్పుడు కాకుండా ఆరగిస్తున్నాను
లొటుకలు వేసుకుంటూ !
ఎంత బరువు పెరిగి పోతున్నానో ఏనుగు గున్నలా!
అమ్మ కడుపులో కాలు మీద కాలు వేసుకుని ఎంత సుఖంగా పెరుగుతున్నానో !
జోర్ దార్ నవాబు దర్జా !
అమ్మకు పాదాలు ఉబ్బుతున్నాయట
ఎంత భారంగా నడుస్తుందో!
నా పాదాలూ నొప్పెడుతున్నాయి
అమ్మకు ఏమైతే నాకూ అదే !
నేను కడుపులో ఉన్నా నాకు
బయటవన్నీ వినిపిస్తునే ఉంటాయి !
నావి పాము చెవులనుకుంటా !
మా అమ్మ క్షేమ సమాచారం
ఎప్పటికప్పుడు నా కెరుకే
దివ్య శ్రవణం నాది
అమ్మ ఒడిలో పడ్డాకా పెద్ద పెరిగి
అమ్మను సుఖ పెడుతాను
అమ్మ కంట నీరు రానీయను
ఉల్లి గడ్డ కూడ కోయనీయను
చిన్న నోరు పెద్ద మాట మరి !
తప్పదు కదా
తప్పు కాదు కదా
బ్రహ్మ దేవుడు ఉపదేశమిచ్చాడు నాకు!
నీకు అమ్మనే బ్రహ్మ
నేను పేరుకే బ్రహ్మ
అమ్మను ప్రపంచ మహా రాణిలా చూసుకుంటాను
కాలు కింద పెట్టకుండా రెడ్ కార్పెట్ పై నడిపిస్తాను
మీకు తెలుసా !
అమ్మలను మనం సుఖపెడితే
నాన్నలకు ఎంత సంతోషమో
– కందాళై రాఘవాచార్య
8790593638
