పిడికెడు అటుకుల గురించి
కలుపు గొలుపుగా దోసెడు మాటలు
మునుపు తాత ముత్తాతలు సంచారం పోతే
మూటలోని అటుకులే తోవలో కడుపుకు ఆసరా
తియ్యని వాగూ నీళ్లే గొంతులో
అమృత ధారాపాతం !
ఆగని నడకకు అటుకులే
బల అతిబల మహాబల !
సామాన్యుల అసామాన్య ఆహారం అటుకులే
కొద్ది కొద్దిగా కాదు నమిలినా కొద్ది
ఆస్వాదనగా రుచి రుచి !
దంపుడు అటుకులైతే
ఎంత తిన్నా దంగేవి కావు !
అంచుకు ఊరగాయ ముక్క
ఊరించే ఉల్లిపాయలు
ఎర్ర కారం కలుపుకుని
పిడికెడు అటుకులు తింటే
పొట్టకు కంచం నిండా పట్టనంత భోజనమే !
అటుకులే కదా అని తీసిపారేయకండి
శ్రీ కృష్ణుడు ప్రీతిగా పిడికెడు అటుకులు తింటే
కుచేలునికి జోలెలో పట్టలేనంత ఐశ్వర్యం
బ్రాండెడ్ అటుకులు !
ఇప్పుటికీ అటుకులు తక్కువేం కాదు
తింటే కడుపు నిండారా ఆయాసంగా ఎక్కువే
బ్రేవ్ బ్రేవ్ బ్రేవ్
