ఇంద్రధనుస్సు

రచన : ఒద్దిరాజు సీతారామచంద్రరావు, సరళీకృతం : రంగరాజు పద్మజ

ఒకటవ ప్రదేశం:- ఓరుగల్లు కోట వెలుపల.
ప్రవేశం :- (ఏకాంబరుడు)

ఏకాంబరుడు — (స్వగతం) నేను నిర్ణయించింది ఇంత వరకు జరగకుండా ఉండలేదు. మాలికఫూర్ దండయాత్రను ఈసారి ఎదుర్కోవడం కష్టంగా ఉంది. హిందువులకు గెలుపు ఈసారి తప్పక కలుగుతుందని సూచనగా కూడా కనబడడంలేదు. సమయానుకులంగా మెలగాలి. ఆబీదు ఖానుతో నేను కుదుర్చిన సంధి ప్రస్తుతానికి ఉపయోగకరమే!( ఆలోచించి) కాకపోతే తక్కిన నా లాంటి వారిలో ఒకడిని. ఇంట్లో కూచుని చక్కగా ఆలోచించడానికి కవకాశం లేదు.
[ ఇంటివైపు నడుస్తూ…..]

( రఘుపతి దారిలో కనపడ్డాడు)
రఘుపతి —ఏమిటి? ఏకాంబర స్వామీ? ఏదైనా ఆపద వచ్చిందా? అలా ఉన్నారు?
ఏకా :– అవును! అనేదే వచ్చింది. సభలో జరిగిన సూచనల ప్రకారం నడుచుకున్నా.
రఘు :– కాయా? పండా?
ఏకా:—పండే! కానీ.. ఇంకా…
రఘు:– నీ మనసు పండలేదా ?
ఏకా :– [ ఆలోచనతో… అర్ధమైనట్లు తల ఆడించాడు]
రఘు :– చేసిన ప్రమాణం ఏమైంది ?
ఏకా :— అయ్యేది దేశద్రోహమే ?
రఘు :— [ కొంచెమాలోచించి] మంచిది! జరిగిన విషయం.. చేసిన ప్రతిజ్ఞ… కావలసిన పని… రాబోయే ఫలితం… మొదలైనవి చక్కగ ఆలోచించుకో! నాకు తొందర పని ఉంది. నేను పోయివస్తా!
ఏకా:– ఏ మాత్రమైన ఆశయముంటే మనం ఇలా చేయవద్దు!
రఘు:– నేను పోయి వస్తా. నీకు పిచ్చి ఎక్కుతున్నది. హిందువులు తప్పక ఓడిపోతారు. [వెళ్ళిపోతాడు]
ఏకా:– ఏకో దేవః కేశవోవా, శివోవా [ వెళ్ళిపోయాడు]

రెండవ ప్రదేశం :–

(ఏకాంబరుని ఇంటి మేడ)

ప్రవేశం: అన్నపూర్ణ.

అన్నపూర్ణ [ దుఃఖంతో ] ఏ దేశం వారైనా తన దేశం అశాంతిలో ఉన్నప్పుడు ప్రాణాలర్పించైనా సరే సరిదిద్దుకుంటారు. అలా కాక ఆ విషయం గురించి ఆలోచించడమో- పనిచేయడమో చేయక ఆ దేశపు వారే తమ దేశాన్ని ముస్లింలనే మంటలలో పడవేస్తున్నప్పుడు ఇక కాపాడేదెవరు. ఆ దేవుడే దిక్కు!
మంచి తెలివైన ఆలోచనలు చేయగల బృహస్పతల వంటి మంత్రులు ఎత్తుగడలన్నిటినీ దేశ విప్లవ కారులైన నీచుడి సహాయంతో చక్రవర్తి సైన్యం నాశనమౌవుతోంది. [ ఏడుస్తూ ] కష్టం మీద కష్టం ! వస్తోంది. నేను చూసిన దాన్ని బట్టి చేసిన ఆలోచిస్తే కారణాలే లేన్నట్లు అనిపిస్తుందా? అనిపిస్తే నేనేమి చేయాలి? పతివ్రతగా ఉండడమా? దేశాభిమానం చూపడమా ! [ విచారించి] దుఃఖంతోనూ; స్త్రీల స్వభావ దృష్టితోనూ; ధైర్యంతోనూ; పురుషభావంతోనూ ” నేను స్త్రీనైనా కాలానికి తగినట్టు… ఈ సమయంలో , అనుకున్న పని చేయాలనుకోవడం వల్ల రానున్న చెడుపేరుకు శాంతంగా “తల వంచుకోవలసిందే!.
[ వెనుక వైపు తిరిగి చూస్తే ఏకాంబరుడు వస్తూ కనబడ్డాడు.]
ఏకా:—దగ్గరకు వచ్చాడు.
అన్న:– [ భర్త వైపుచూసి కళ్ళలో కమ్మిన నీరు లోపల లోపలనే దాచుకొని.]
ఏకా:– [సందేహంతో కూడుకొన్న కంఠంతో]
ప్రియా! ఎందుకో .. ఏమిటో ఆలోచిస్తున్నట్టనిపిస్తున్నది.
అన్నపూర్ణ:– [ స్వగతం] లోలోన[ పైకి ]
విచారించుటకు వేరే విషయమేముంది? ఓరుగల్లులోనే కాదు! ఆంధ్ర దేశం మొత్తం అట్టుడుకుతున్న విషయమే! మాలిక్ కఫూర్ ముట్టడి గురించి…..
ఏకా:- నీకు దాని వల్ల కలిగిన… కలిగే అపాయమేముంది?
అన్నపూర్ణ:– ఆత్మకు కలిగిన అపాయాలు అవయవాలకు మాత్రం కాదా?
ఏకా:– ఆత్మ- అవయవాలనే భావం స్వదేశీయుల మధ్య ఉంటే కదా?
అన్నపూర్ణ:— ఉండడం మంచిదా? ఉండకపోవడం మంచిదా!తలరాతలనుకోవాలా!
ఏకా:— తలరాత లెక్కడివి? సమయాన్నిబట్టి తలరాత మారుతుంది.
అన్నపూర్ణ:– తలరాత మారితే ప్రకృతి మారుతుందా?
ఏకా:— ఏమిటీ ? అలా అడుగుతున్నావ్? మారాల్సి వస్తే మారడమే! అంతకంటే గత్యంతరం ఉంటుందా?
అన్నపూర్ణ:– గతిలేకపోతే మారడం సరియైనదే కావచ్చు! కాని, ఏదైనా మార్గం ఉన్నప్పుడు మారడం ఎందుకు?
ఏకా:– మారడం చేతగాని వారికి స్వాతంత్య్రం ఎక్కడుంటుంది?
అన్నపూర్ణ:—- జాతి, లింగ భేదం లేక నీ బాటను నడవడం [ నిన్నసరించడం] సరియైనదేనా?
ఏకా:— ఔను!
అన్నపూర్ణ:— అయితే మీరు మిమ్మల్ని మార్చుకున్నారా?
ఏకా:— పూర్తిగా .
అన్నపూర్ణ:— ఐతే నేనో?
ఏకా:– నీ ఇష్టంగా నిన్ను మార్చుకో!
అన్నపూర్ణ:– [ లోలోన ] పెద్ద అడ్డుతొలగింది. [ పైకి ] మీ యాజ్ఞ నేను తలదాలుస్తాను.. ఇప్పటికి ఒక బెంగ తీరింది.
ఏకా:– ఇంకా నీకు రంధి ఎందుకు?
అన్నపూర్ణ:— ఏమీలేదు! మీరు చేస్తున్న పని గురించి..
ఏకా:– [ లోలోపల] స్త్రీలు చాలా తెలివైన వారు చక్కగా ఆలోచిస్తారు.. నేను చెప్పకుండానే నా తీరు కనిపెట్టినట్టున్నది. [ పైకి] నేనేం చేస్తున్నానో నీకు తెలుసా?
అన్నపూర్ణ:– నిద్రాహారాలు లేకుండా…
ఏకా :— అనుమానం ఎందుకు?ఏం అడగాలనుకుంటున్నావో అడుగు!
అన్నపూర్ణ:– ఇంటికిరాక… ఎక్కడెక్కడో ఎందుకు తిరుగుతున్నారని?
ఏకా:— ఊరిపై ఊరు పడినట్లున్నప్పుడు నిద్ర… ఆహారం… ఇల్లు… సంసారం…. ఇవన్నీ పట్టించుకుంటారా? ఎవరైనా?
అన్నపూర్ణ:— ఇవాళ యుద్ధానికి విశ్రాంతిస్తున్నట్లు
చాటించారు కదా?
ఏకా:– ఔను! ఐతే ?
అన్నపూర్ణ:– విశ్రాంతి ఇచ్చినప్పుడైనా ఇంటికి రావచ్చు కదా?
ఏకా:– కొంత మందిని కలువలసిన వారితో కలిసిరావడంతో.. ఆలోచనలు చేయాల్సి రావడానికి ఆగిపోవలసి వచ్చింది….
అన్నపూర్ణ:– ఆలోచనలన్నీ తురకల తోటేనా?
ఏకా:– [ తనలో] ఇది చమత్కారమా?
అన్నపూర్ణ:– తురకల తోటేనా?
ఏకా:– ఓ! అలా అనుకున్నావా?
అన్నపూర్ణ:— ఊరికే అనుకోవడమే కాదు ఊహ కూడా కాదు!
ఏకా:— ఎవరు చూసారు? ఎక్కడ చూసారు? నన్ను?
అన్నపూర్ణ:– ఎవరు చూస్తే ఏమిటి? ఆబీదు ఖానుతో మీకేం పని? ఆ పనేంటో నేను తెలుసుకోవచ్చా?
ఏకా:– [లోలోపల] స్త్రీలకు కర్ణ పిశాచాలుంటాయని మాత్రమే అనుకుంటారు! కానీ నేత్ర పిశాచాలు కూడా ఉంటాయని నేను బల్లగుద్ది చెప్పగలను! కానీ…… కేవలం దేశ క్షేమం కోసమే కావాల్సిన పని- చేస్తే కలిగే ఫలితం తేల్చుకోవాల్సిన విషయం. ఇప్పుడే చెప్పవద్దని దాచితే , బట్టబయలు చేస్తున్నది. ఇన్ని విషయాలు తెలుసుకున్నది ఆకొంచెం తెలుసుకోకుండా ఉంటుందా!
అన్నపూర్ణ:— ఆబీదుఖానుతో మీకేం పని ఉన్నదో చెప్తారా?
ఏకా:– నీకెందుకా? విషయం ?
అన్నపూర్ణ:– నా మనసు మార్చుకోవచ్చని నాకు మీరాజ్ఞ ఇచ్చింది మరచిపోకండి!
ఏకా:- మరువను!
అన్నపూర్ణ:– ఇంకా ఏమిటి?అందుకే అడుగుతున్నాను.
ఏకా:– [ అనుమానిస్తూ] అలా ఐతే నువ్వు తెలుసుకొన్నవో?లేక అనుకున్నవో? అది నిజమే? [ చెవి పైకెత్తి]
అదిగో ప్రియా! కిందనుండి ఎవరో పిలుస్తున్నారు. నేను వెళ్ళాలి [ వెళ్ళి పోయాడు]
అన్నపూర్ణ:- దేవుడా! నాకింత పరీక్ష ఎందుకు పెట్టావు? సరే! పరీక్ష పెట్టదలిస్తే , దేశం పరుల పాలయ్యే మహా కష్ట సమయంలోనా? అది కూడా భార్యాభర్తల విషయంలోనా? ఈశ్వరా! ఎంతటి దురవస్థ? నేను దేశభక్తైనా మానుకోవాలి! లేదా పతిభక్తైనా మానుకోవాలి! కదా? ఇదివరకు జరిగిన దండయాత్రలో దేశాన్ని రక్షించు కుంటామని మహిళలు చేసిన ప్రతిజ్ఞలలో నేనూ ప్రతిజ్ఞ చేసాను కదా? ఇప్పుడు నా భర్త నేను చేసిన ప్రతిజ్ఞను మార్చుకొమ్మని బలవంత పెడుతున్నారు. అలా చేస్తే దేశభక్తిని విడిచిపెట్టడమా? లేక పతిభక్తిని విడిచి పెట్టడమా అని ఆలోచిస్తూ…… [వెళ్లిపోతుంది]

౩వ ప్రదేశం — ఓరుగల్లు బయట యుద్ధభూమి.

ప్రవేశం– కాకతీయ సైన్యం– మాలిక్ కాఫూర్ సైన్యం యుద్ధం చేస్తూ…

యోధుడు:– నువ్వూ హిందువు! నేనూ హిందువునే! నువ్వు అడ్డు తొలగు ! నాకు శత్రువు మాలిక్కాఫూర్ . అతని తర్వాత అతని సేనాపతి ఆబీదుఖాను! అంతే కానీ నువ్వుకాదు!
ఏకాంబరుడు:– నేను తొలగిపోను! నీకే శక్తి ఉంటే నన్ను గెలిచి, నా స్నేహితుడు , నా ప్రభువుతో యుద్ధం చేయి!
యోధుడు:– నువ్వు ఈ ప్రతాపరుద్ర మహారాజు సేవకుడవు కదా! నీకు ఆభీద్ ఖాన్ మరియు మాలికపూర్ ప్రభువు ఎట్లా అయ్యారు! ఎప్పుడయ్యారు?
ఏకా:– వారికింద ఉద్యోగం చేయడం వల్ల!
యోధుడు:– కాకతీయుల కొలువు చేయడమంటే.. కాకతీయ ప్రభుత్వాన్ని మోసం చేయడమేనా?
ఏకా:- [ స్వగతం] ఇతడెవరు? ఓరుగల్లు సైన్యంలో నేను ఎన్నడూ చూడనే లేదు.
యోధుడు:– మాట్లాడడం లేదెందుకు జవాబు చెప్పు? ఒక మాట మాట్లాడు!
నీ దగ్గర నీ ప్రభువును వంచించే గుణంవుంటే…. ప్రాణాలు కాపాడుకోవాలంటే అలాగే మోసంచేస్తావా?
ఏకా:- నువ్వు నన్ను నిలదీసే అంత మొనగాడివా?
యోధుడు:– అలా అనడం లేదు!
జయాపజయాలు దైవాధీనం!. నేను తప్పక నిన్ను ఓడిస్తాననడంలేదు. కానీ దేశభక్తి ఆవేశంతో నిన్ను చంపడానికి కత్తి పట్టవలసి వచ్చింది. నీవు ధనాశతోనో.. కొత్త పరిచయాలవల్లనో నీ ప్రభువును… ఎవరి దయాదాక్షిణ్యాలతో నువ్విన్నాళ్లు పోషింపబడ్డావో… ఆ ప్రభువును మోసం చేస్తున్నావు! నేను- నువ్వు ఒక్కదేశానికి చెందిన వాళ్ళమే! ఒక చోటున కాపురం ఉన్న వాళ్ళమే! కాబట్టి ఉండవలసినంత సంబంధం ఉండడం వల్లనే నిన్ను ఇక్కడినుండి పొమ్మని అంటున్నాను.
నా శత్రువును, నా దేశ శత్రువును నాకు ఒప్పగించమని చెప్పాను! కానీ నీవు వినలేదు! ఏమాత్రం చెవిన పెట్టలేదు. నిన్ను గెలవాలంటే.. నువ్వే నాకు ఆజ్ఞనిచ్చి, ప్రోత్సహించావు. ఇక నేను దేశక్షేమం కోసం చేయాల్సిన పనికి ఆలస్యం చేయవద్దు. అయినా కూడా చెప్తున్నాను. సాధ్యమైనంత ఆలస్యం…
ఏకా:- నువ్వు… నువ్వు.. దేశ హితైషివా? అది ఎలాగో చూస్తాను. నీ దేశమెలా నీచే… నీ వంటి వారిచే… కాపాడబడుతుందో చూస్తాను ![ఇద్దరూ ఘోరంగా యుద్ధం చేస్తారు. ఇద్దరి కంఠాలకు, అవయవాలకు గాయాలౌతాయి.]
యోధుడు:– ఇగో తప్పించుకో! [ ఆబీదుకాను వైపు నడుస్తాడు]
ఏకా:– తన రక్షణ కొరకు పాటుబడేవాడు పంద. నా కొత్త ప్రభువు కొరకు నేను రక్షకుడను.
[ ఆబీదుఖానికి అడ్డంగా నిలిచి, అతనిని తన వైపునకు తీసుకొని]
యోధుడు:– అలా అయితే నీ ఖర్మ! ఇనుముతో అగ్ని…[ బల్లెంతో ఇద్దరూ పొడుచుకున్నారు. ఏకాంబరుడు, ఆబీదుఖాను కింద పడిపోయారు.]
యోధుడు:- [ బల్లేలను కింద పడవేసి, పరుగున పోయి ఏకాంబరుని తలను తొడపై పెట్టుకొని కూర్చుని] నాధా! ఎటువంటి రోజు వచ్చింది? [తేరిపార చూసి ] ఇక ఎక్కడి నాధుడు? చేతులారా చంపుకొన్న పిశాచికి ఈ లోకంలో నాథుడు ఎక్కడుంటాడు? దేవుడా! మా ఇద్దరి ప్రేమ సామ్రాజ్య దాంపత్యాన్ని చెడగొట్టటానికే నా భర్తకు దేశద్రోహ బుద్ధి కలిగించి, మా చరిత్ర… చారిత్రక ప్రపంచంలో శాశ్వతంగా ఉంచాలనుకొని నాకు నా భర్తకు వ్యతిరేకంగా ఆలోచించే బుద్ధినిచ్చావా? నా నాధా! నువ్వెందుకు దేశద్రోహుల కుతంత్రంలో చిక్కి, నాకిలాంటి వైధవ్యం నేనే తెచ్చుకునేలా చేసావు? నా ఆశయం మార్చుకొనేందుకు నాకెందుకు అనుమతినిచ్చావు? నిన్ను అనుసరింపమని నన్ను ఎందుకు చెప్పలేదు? ఇప్పటికైనా నిన్ను అనుసరించకుంటే నాకు గతి ఏమిటి? దేవుడా ! నిశ్చయంగా నేనే పతివ్రతనైతే దేశహితం కోసం ప్రాణం కంటే ఎక్కువైన నాభర్తని చేతులారా చంపుకొన్న పాపినని కోపగించుకోకుండా… ఎన్ని జన్మలలోనైనా ఈ మహామహునకే భార్యనయ్యేలా దీవించు తండ్రీ! ఏ జన్మలో నైనా ఈ మా ఇద్దరికీ గాఢమైన… నిశ్చలమైన దేశభక్తిని ఇవ్వు!
[ బాకుతో ఛాతీలో పొడుచుకొని భర్త శరీరం పై ఒరిగిపోయింది]

(సమాప్తం)

తరుణి అంతర్జాల మహిళవారపత్రిక నుండి సేకరణ

యాదగిరిగుట్టకు ఒకరోజు పుస్తకావిష్కరణ కార్యక్రమానికి వెళ్లాను. కార్యక్రమం రచ్చ యాదగిరి కమ్యూనిటీ హాల్‌లో ఏర్పాటైంది.

సభలో ఎంతోమంది పాల్గొన్నారు. కవి కాబట్టి రచ్చ యాదగిరి కూడా పాల్గొన్నాడు. కార్యక్రమం బాగా జరిగింది. భోజనాలు కూడా చేశాం మధ్యాహ్నం కాబట్టి.

రచ్చ యాదగిరి గారు నాదగ్గరకి వచ్చి ”మీ ప్రసంగం బాగుంది. మీరెక్కడుంటారు హైదరాబాద్‌లో” అని అడిగాడు. ”బోడుప్పల్‌” అని సమాధానమిచ్చాను. వెంటనే నాకు నా అర్ధాంగి ప్రమీల పేరు స్ఫురించింది. కారణమేమంటే ఆమె తల్లిగారి ఇంటిపేరు ‘రచ్చ’ కావడమే.

”నా భార్య రచ్చవాళ్ల ఇంటి ఆడపిల్ల. మీరు రచ్చ వాళ్లు కావడం ఆనందంగా ఉంద”న్నాను.

యాదగిరి గారికి నాతో కొంతసేపు మాట్లాడాలనిపించింది. ”మీ అత్తగారి ఊరేది? మీ మామ ఏ పని చేసేవారు. మీ అర్ధాంగి గృహిణియేనా?” వినయంగా ప్రశ్నించాడు. ”మా మామగారు హైదరాబాదు వాస్తవ్యులు. మెడికల్‌ డిపార్టుమెంటులో పని చేశారు. ఇప్పుడు నా భార్య లేదు” అన్నాను కళ్లు తుడుచుకుంటూ. యాదగిరి గారు నా స్థితిని అర్థం చేసుకున్నారు. ”మీరు మా ఇంటికి వస్తారా? దగ్గరనే” అని కోరారు. నేను కాదనలేకపోయాను. మా ప్రమీల పుట్టినింటికి వెళ్లినంత ఆనందమైంది నాకు. యాదగిరి ఇంటి వాళ్లంతా పరిచయమయ్యారు. మా ప్రమీల ఏ లోకంలో ఉందోగాని, ఆమె పుట్టిన ఇంటిపేరు ఎంత మహిమగలదో తెలిసింది.

నేను హైదరాబాదుకు తిరిగి వెళ్లడానికి సిద్ధమయ్యాను. ”మీరు రావడంవల్ల మా ఇల్లు పావనమైంది” అంటూ ఇంట్లోంచి ఒక శాలువా తెచ్చి కప్పినారు.

యాదగిరి గారి సౌజన్యానికి ఎంతో మురిసిపోయాను. వారిని చూచినప్పుడు మా మామగారే గుర్తుకు వచ్చారు. మా మామ కూడా నన్నెంతో ఆదరించేవారు. ప్రేమతో పలకరించేవారు.

పుస్తకావిష్కరణ తర్వాత నేను యాదగిరిగుట్టకు ఎన్నిసార్లు వెళ్లానో నాకే తెలియదు. వెళ్లినప్పుడల్లా యాదగిరి గారింటిలో ఆతిథ్యం తీసుకోకుండా రాను. యాదగిరి గారి కుటుంబ సభ్యుల్లో నేనొకడినయ్యాను. యాదగిరి గారు ఆర్‌.ఎమ్‌.పి. డాక్టర్‌ కనుక అప్పుడప్పుడు ఆరోగ్య సంబంధమైన సూచనలు కూడా ఇచ్చినారు. నాకే చిన్న బాధ కల్గినా యాదగిరి గారితో చెప్పుకోవడం పరిపాటి అయ్యింది. వారు నా రచనలు కూడా చదివినారు. అప్పుడప్పుడు పద్యాలు రాసి నా చేత దిద్దించుకున్నారు.

ఒకమాటలో చెప్పాలంటే యాదగిరి గారు ఆత్మబంధువు లయ్యారు. హైదరాబాదుకు వచ్చినప్పుడల్లా నన్ను చూసి వెళ్తారు. ప్రతిరోజు ఫోన్లో తప్పక మాట్లాడుతారు.

యాదగిరి గారికి నాకు ఏమిటో విడదీయరాని సంబంధం కల్గింది. బహుశా మా ప్రమీల ఇంటిపేరు, వారి ఇంటి పేరు ఒకటి కావడమేనా? ఇంటి పేర్లొకటైనంత మాత్రాన ఇంత అనుబంధం ఏర్పడుతుందా?

ఇదంత ప్రమీల ప్రభావమేనని నా మనస్సు పదేపదే గుర్తు చేస్తుంది.

చిత్రకారుడు – నచికేత

తల్లిదండ్రులను నిర్లక్ష్యం చేస్తే తనను తాను నిర్లక్ష్యం చేసుకున్నట్టే ఈ సత్యాన్ని గ్రహించక చాలా మంది విచిత్రం గా ప్రవర్తిస్తారు. కాల చక్రం గిర్రున తిరిగి మళ్లీ వీళ్ళ దగ్గరికే వస్తుందని గ్రహించరా? కాదు అన్నీ తెలుసు అయినా తెలివితక్కువ ఆలోచనలతో అట్లాగే చేస్తారు. ఏదైనా కోల్పోయిన తర్వాత విలువ తెలుస్తుంది. కన్నతండ్రి ని వదిలించుకున్నానుకున్న ఓ కొడుకు కు అతడు చేసిన అన్యాయం అతని వెంట పడ్తుందని అద్భుతంగా చిత్రీకరించారు చిటికెన కిరణ్ కుమార్. ఈ దుర్మార్గాన్ని తండ్రి సహించక ఛీ కొట్టినట్టు ఇచ్చిన తీర్పు పాఠకులను, ప్రేక్షకుల ను తప్పకుండా ఆలోచనలలో పడవేస్తుంది. ఎన్ని బాధలు పెట్టినా కన్నపాశం అంటూ తన సంతానానికే సేవలు చేయడం కన్నా అనాథలు అన్నార్తుల కు చేయూతనివ్వడం మంచిదని ఈ ” ఓ తండ్రి తీర్పు” చిటికెన కిరణ్ కుమార్ రచించిన కథ చెబుతుంది. ఈ కథను లఘు చిత్రం గా నిర్మించి బహుమతి ని కైవసం చేసుకున్న చిత్ర బృందానికి, చిటికెన కిరణ్ కుమార్ కూ అభినందనలు తెలియజేస్తున్నాను

-డాక్టర్ కొండపల్లి నీహారిణి, కవయిత్రి, రచయిత్రి
మయూఖ, తరుణి అంతర్జాల పత్రిక ల సంపాదకురాలు.

https://m.facebook.com/story.php?story_fbid=2499168466923796&id=100004920000278&mibextid=Nif5oz

తరుణి యూట్యూబ్ చానెల్ ను చూడండి, మీరు తప్పకుండా నచ్చుతారు. తొలి ప్రయత్నం ఇది . మీ సహకారం అందించండి. ఈ చానెల్ ను సబ్స్క్రైబ్ చేసుకోండి . లైక్ చేయండి, షేర్ చేయండి !థాంక్యూ – డాక్టర్ కొండపల్లి నీహారిణి, కవయిత్రి, రచయిత్రి, సాహిత్య విమర్శకులు, మయూఖ అంతర్జాల పత్రిక,
తరుణి పత్రిక ల వ్యవస్థాపకులు, సంపాదకులు .

https://youtube.com/@Tharuni-women

“సు”- మంచి , “లక్ష్య ” – లక్ష్యం

ట్యాగ్ లైన్ – సర్వే సుజనా సుఖినోభవంతు
నేపధ్యం :
2008 – 2013 వరకు వివిధ సేవా కార్యక్రమాలను చేసిన తరువాత ,ఈ కార్యక్రమాలన్నింటిని ఒక గొడుగు కిందికి తీసుకురావాలనుకొని అనుకున్నాం.
మన అభ్యున్నతికి కారణమైన ఈ సమాజానికి కొంతైనా తిరిగివ్వాలనే సదుద్దేశంతో మిత్రులమంతా ఒక బృందంగా ఏర్పడి ఉగాది పర్వదినాన ( ఏప్రిల్ 11 2013 ) న సులక్ష్య సేవా సమితి కి అంకురార్పణ చెయ్యడం జరిగింది. రానున్న ఉగాదికి ఒక దశాబ్దం పూర్తి చేసుకోబోతుంది.

ముఖ్య లక్ష్యాలు – చేపట్టిన కార్యక్రమాలు

అందరికి విద్య – ఈ రోజుకి ప్రభుత్వ పాఠశాలల్లో కనీస వసతులు కొరవడుతున్నాయి – ప్రైవేట్ పాఠశాలల్లో చదివించే స్థోమత చాలా మంది కూలి – నాలి చేసుకునే తల్లితండ్రుల్లో లేదు . దీని వల్ల చాలా మందికి సరైన విద్య అందడం లేదు , కొంత మంది మధ్యలోనే చదువు ఆపేసి ఎక్కడో బాల కార్మికులుగా జీవనాన్ని కొనసాగిస్తున్నారు .

ఈ పరిస్థితిని కొంతైనా మెరుగుపరచాలనే ఉద్దేశంతో ఇప్పటివరకు పలు ప్రభుత్వ పాఠశాలలను దత్తత తీసుకుని, ఆ పాఠశాలల్లో మౌలిక వసతులు కల్పించడం జరిగింది. 1 . 2 లక్షలతో శ్రీ వ్యాస అవాసంలో గ్రంధాలయం ఏర్పాటు చెయ్యడం జరిగింది . 1 లక్ష రూపాయల విలువగల పుస్తకాలను వివిధ ఆశ్రమాల్లో ఇవ్వడం జరిగింది . ఎంతో మంది నిరుపేద విద్యార్థులకు వారి ఫీజులు మరియు ఇతర అవసారాలకై ఆర్ధిక సహాయం సహాయం చెయ్యడం జరిగింది . వివిధ ఆశ్రమాల్లో స్కూల్ యూనిఫార్మ్స్, వారు చదువుకోవడానికి కావలసిన ఇతర వస్తువులు కూడా ఇవ్వడం జరిగింది. వైద్యం – ఆరోగ్యమే మహాభాగ్యం అంటారు . కానీ నేటి రోజుల్లో చాలా మంది జీవన విధానం వల్ల , ఆరోగ్య అలవాట్ల వల్ల, కల్తీ ఆహరం వల్ల చిన్న వయస్సులోనే అనారోగ్యం పాలైతున్నారు తాము సంపాదించే డబ్బులో ఎక్కువ భాగం వైద్యులకు , మందులకు పెట్టడమే కాక తీవ్ర అశాంతికి గురవుతున్నారు . అందుకే పాఠశాలల్లో , కళాశాలల్లో ఆరోగ్యాన్ని ఎలా కాపాడుకోవాలనే విషయం మీద సదస్సులు నిర్వహించడం జరుగుతుంది .

కరోనా వ్యాధి ప్రబలి ప్రపంచమంతా స్తంభించిందినప్పుడు , ఫ్రంట్లైన్ వారియర్స్ తమ ప్రాణాలను సైతం లెక్క చెయ్యకుండా పోరాడారు . వారు చేస్తున్న కృషికి గుర్తింపుగా , వారి ఆరోగ్యం, వ్యక్తిగత పరిశుభ్రత దృష్టిలో ఉంచుకుని డాక్టర్లకు , ఆరోగ్య కార్యకర్తలకు,పోలీస్ సిబ్బందికి , పారిశుధ్య కార్మికులకు, మీడియా ప్రతినిధులకు రెండు లక్షల నలభై వేల విలువగల ఆరు వస్తువులతో కూడినటువంటి రెండు వేల సేఫ్ ఎనర్జీ కిట్లను అందివ్వడం జరిగింది .
అలాగే ఒక లక్షా ఎనభై వేల రూపాయల విలువగల మూడువేల పైగా మాస్కులు , శానిటైజర్స్ పంపిణి చేసాము

పర్యావరణ పరిరక్షణ – వృక్షో రక్షతి రక్షితః , మట్టి గణపతులను ప్రతిష్టిద్దాం – పర్యావరణ పరిరక్షణకై పాటుపడడం , ప్లాస్టిక్ వాడకాన్ని తగ్గిద్దాం – కాలుష్య నివారణకై కృషిచేద్దాం .
వివిధ కారణాల వల్ల పర్యావరణం రోజు రోజుకి వినాశనం అయితున్నది. దీని వల్ల మనం అనేక సమస్యలకు గురవుతున్నాం . ఈ లక్ష్యంలో భాగంగా 1000 కి పైగా మొక్కలను వివిధ పాఠశాలలో , రోడ్లపై నాటడమేకాక వాటిని పెంచడం జరిగింది . అదే కాకా ప్రముఖ పర్యావరణవేత్త , కోటి మొక్కలు నాటిన పద్మ శ్రీ అవార్డు గ్రహీత , వనజీవి దారిపల్లి రామయ్య గారితో అవగాహన సదస్సులు నిర్వహించడం జరిగింది.

గత తొమ్మిది సంవత్సరాలుగా ఉచితంగా మట్టి గణపతి విగ్రహాలను పంపిణి చెయ్యడం జరిగింది . యువత సాధికారత – ఒక వంద మంది యువకులను ఇవ్వండి – భారత దేశాన్ని బలమైన దేశంగా మారుస్తా అని స్వామి వివేకానంద అన్నారు . భారత దేశంలో 65 % జనాభా యువకులే . ఇది మనకు చాలా పెద్ద ఆస్తి . కానీ అనేక మంది యువకులు సరైన అవగాహన లేక , చెడు అలవాట్లకు బానిసై , అవకాశాలు దొరకక , చదువుకునే స్థోమత లేక వారి గమ్యానికి చేరలేకపోతున్నారు .ఇందుకు గాను సివిల్ సర్వీసెస్ మరియు ఇతర పోటీ పరీక్షాలలో విజయం సాధించడం ఎలా , వ్యక్తిత్వ నిర్మాణం, ఒత్తిడిని అధిగమించడం లాంటి వివిధ అంశాల మీద పలు కళాశాలల్లో , పాఠశాలల్లో అవగాహన సదస్సులు నిర్వహించడం జరిగింది .కనీస అవసరాలు తీర్చడం – భారత దేశంలో ఒకవైపు అపర కుబేరులు విలాసవంతమైన జీవితం గడుపుతుంటే , కోట్లాది మంది పేదరికంతో మగ్గుతూ వారి కనీస అవసరాలు తీర్చలేకపోతున్నారు .

నగరంలోని వివిధ ఆశ్రమాలకు నిత్యావసర వస్తువులు వితరణ చేసి తోడ్పాటు అందించడం జరిగింది . చలి కాలంలో నిరాశ్రయులకు , పేదవారికి , అనాధలకు , వృద్ధులకు వెచ్చదనం కల్పించాలనే ఉద్దేశంతో ఇప్పటివరకు 4 .8 లక్షల విలువైన 2400 బ్లాంకెట్ల్లను నిరాశ్రయులకు మరియు నిరుపేదలకు , అనాధలకు , వృద్ధులకు పంపిణి చెయ్యడం జరిగింది . మేము చేసిన అన్ని కార్యక్రమాల్లో మాకు నిజంగా సంతృప్తిని ఇచ్చింది కరోనా మహమ్మారి ప్రబలినప్పుడు మా సంస్థ ద్వారా చేపట్టిన సహాయక కార్యక్రమాలు. ప్రజలు ఇంటి గడప దాటి బయటకు వెళ్లాలంటేనే భయబ్రాంతులకు గురైతున్న పరిస్థితుల్లో సేవా కార్యక్రమాలు చేపట్టడం అనేది మాకు జీవితాంతం ఇలాంటి విపత్కర పరిస్థితులను ఎదుర్కొనే అనుభవాన్ని మిగిల్చింది. ఈ అనుభవంతో ముందు ముందు ఇంకా అనేక సేవ కార్యక్రమాలు చేపట్టే శక్తి మాకు కలగాలని మా ఆశ.

మా లక్ష్యాల్లో ఒకటైన కనీస అవసరాలు తీర్చటం లో భాగంగా గుడిసెల్లో నివసించే పేదవారికి , సంచార జాతులకు ,చెత్త సేకరించే కార్మకులకి , అనాధాశ్రమాలకి , వృద్ధాశ్రమాలకు , వివిధ రాష్ట్రాల నుండి వచ్చిన వలస కూలిలకి , భవన నిర్మాణ కార్మికులు , పానీ పూరి బండి వాళ్ళు , గుత్తి కోయలకు, నేపాల్ నుంచి వచ్చిన గురఖాలు , అనాధ వృద్ధులు ,దినసరి కూలి కార్మికులు , తదితర వెయ్యి కుటుంబాలకు ఆరు లక్షల విలువగల పదమూడు వస్తువులతో కూడిన నిత్యావసరాల కిట్లను పంపిణి చెయ్యడం జరిగింది.
తమ స్వస్థలాలకు వెళ్లాలనే తలంపుతో ఎర్రటి ఎండలో వందలాది కిలోమీటర్స్ నడుస్తున్న వలస కార్మికుల గోసను దృష్ఠ్టిలో ఉంచుకుని వారికి రెండు లక్షల విలువ్ కల పన్నెండు వస్తువులతో కూడిన మైగ్రంట్ రెఫ్రెషమెంట్ కిట్లను వెయ్యి మందికి పంపిణి చెయ్యడం జరిగింది . అలాగే కొందరికి మా స్వంత ఖర్చులతో వాహన సౌకర్యం ఏర్పాటు చేసి వారి స్వంత రాష్ట్రాలకు పంపించడం జరిగింది .ప్రేమ , వాత్సల్యాలను పంచడం – అనాధ, వృద్ధాశ్రమాల్లో నివసిస్తున్న వారు తమ అనుకున్న వాళ్ళ ప్రేమను నోచుకోక నిరాదరణకు గురవుతుంటారు. వారికి కావలసిందల్లా ఆత్మీయ స్పర్శ , మేమున్నామనే భరోసా , వారితో సరదాగా గడిపేందుకు కొద్ది సమయం .

ఈ ఉద్దేశంతో సమయం దొరికినప్పుడల్లా అనాధాశ్రమాల్లో నివసిస్తున్న పిల్లలతో సమయం గడపడం, సినిమాలకు ( బాహుబలి, ఏషియన్ మాల్ లో ) , విహార యాత్రలకు తీసుకెళ్లడం ( రామప్ప, లక్నవరం, ఖిలా వరంగల్ , వేయి స్థంబాల దేవాలయం, జూ పార్క్ , సైన్స్ సెంటర్ , హైదరాబాద్ లోని వండర్ లా ) , హోటళ్ళకి తీసుకెళ్లి వారికి ఇష్టమైనవి తినిపించడం , ఆట వస్తువులు కొనిపెట్టడం , వారి పుట్టిన రోజులు జరపడం చేస్తుంటాము . వృద్ధాశ్రమాల్లో నివసిస్తున్న వారికి సాంత్వన కలిగించాలనే ఉద్దేశంతో అక్కడ మాతృదినోత్సవాలు , సంగీత విభావరులు నిర్వహించడం నిర్వహించడం జరుగుతుంది .

డిగ్నిటీ అఫ్ లేబర్ – మన జీవనం సాఫీగా సాగుతుందంటే అందులో ప్రతి ఒక్కరి కృషి ఉంటుంది. కానీ డబ్బు , హోదా ఉన్న వాళ్లకు ఇచ్చే మర్యాద , గుర్తింపు కింది స్థాయిలో ఉండదు . అమెరికా లాంటి దేశాల్లో ఆ దేశ అధ్యక్షుడిని ఎలా చూస్తారో , ఒక సామాన్య గుమాస్తాను కూడా అలానే చూస్తారు .

అందుకనే కింది మన పరిసరాలను పరిశుభ్రంగా ఉండడానికి నిరంతరం శ్రమించే పారిశుధ్య కార్మికులు మరియు ఇతర పనులు చేసే వారిని గుర్తించి , సత్కరించి వారికి కావాల్సిన సహాయం అందించడం జరుగుతుంది . సుపరిపాలనకై పాటుపడడం – భారత దేశానికి స్వాతంత్య్రం వచ్చి ఏడు దశాబ్దాలు గడుస్తున్నా ఇంకా మన దేశం ఎన్నో విషయాల్లో వెనుకబడి ఉంది . అవినీతి , మత విద్వేషాలు , అవకాశవాద ధోరణి , లాంటి ఎన్నో సమస్యలు మనన్ని పట్టి పీడిస్తున్నాయి . అందుకనే వివిధ పాఠశాలల్లో , కళాశాలల్లో, ఓటు హక్కు చట్టం, సమాచార హక్కు చట్టం , పౌరుడిగా మన హక్కులు లాంటి వివిధ విషయాల మీద అవగాహన సదస్సులు నిర్వహించడం జరుగుతుంది .

భారతీయ సంస్కృతి , సంప్రదాయాలను పరిరక్షించడం – యావత్ ప్రపంచానికి దిక్సూచిగా, దిశా నిర్దేశం చేసిన ఘనత మనది . కానీ యాంత్రిక జీవన విధానం వల్ల , మనం మన పురాణాలను , ఇతిహాసాలను రాబోయే తరాలకు అందివ్వలేకపోతున్నాం , మన చారిత్రిక కట్టడాలను పరిరక్షించుకోలేకపోతున్నాం. అందుకనే విద్యార్థులకు మన ఇతిహాస , పురాణాల గురించి తెలియచేసి , మన చారిత్రక కట్టడాల సందర్శనకు తీసుకువెళ్లడం జరుగుతుంది .

గ్రామీణ భారతంలో పరివర్తన తీసుకురావడం – ఇప్పటికి 65 % కన్న ఎక్కువ ప్రజలు పల్ల్లెలో నివసిస్తున్నారు . పల్లెలే దేశ ప్రగతికి పట్టుకొమ్మలు అని నానుడి . కానీ ప్రపంచీకరణ తో పల్లెల్లో నివసిస్తున్న అన్నదాతలు ,ఇతర వృత్తి నైపుణ్యం గల వారు పొట్ట చేత పట్టుకుని పట్టణాలకు , ఇతర దేశాలకు వలస పోతున్నారు, అక్కడ కూలీలుగా వారి బతుకు బండిని నెట్టుకొస్తున్నారు . దీని వల్ల వారి జీవితాలు చీకటిమయం అవ్వడమే కాకుండా దేశ ప్రగతి కూడా స్తంభించి పోతుంది. అందుకనే పల్లెలకు వెళ్లి వాళ్లకు సేంద్రియ వ్యవసాయం , చేనేత , హస్తకళల లాంటి రంగాల్లో ప్రోత్సాహాం అందించి , వారిలో ఉన్న ఇతర నైపుణ్యాలను వెలికి తీసి వారికి కావలసిన సహాకారం అందించడం జరుగుతుంది .

భవిష్యత్ ప్రణాళిక
“ఎడ్యుకేట్ , ఎంపవర్ , ఎన్ లైటెన్” పేరుతో ఒక కార్యక్రమాన్ని రూపొందించి ప్రభుత్వ పాఠశాలల్లో చదివే విద్యార్థుల్లో, కళాశాల విద్యార్థుల్లో మరియు యువతలో మార్పు తీసుకువచ్చే ప్రయత్నం చేస్తాము .

మేము చేసే కార్యక్రమాలకు మొదటినుంచి ఆర్థికంగా సహకరిస్తున్న దాతలకు , మా గురించి కధనాలు ప్రచురిస్తున్న మీడియా ప్రతినిధులకు, మా ఆహ్వానాన్ని మన్నించి మా కార్యక్రమాలకు విచ్చేస్తున్న అతిథులకు మా హృదయపూర్వక అభినందనలు .
మాకు పెద్ద మొత్తంలో సరకులను ఇస్తున్న వ్యాపారులకు మా హృదయపూర్వక కృతజ్ఞతలు తెలుపుతున్నాము

మా చిహ్నం

• భారతీయత ప్రతిబింబించేలా మన జాతీయ పతాకం లో త్రివర్ణాలను మాయా చిహ్నంలో వాడాము.
• మన రెపరెపలాడినట్టున్న మూడు “S ” లు సులక్ష్య , సేవ , సమితి ని స్ఫురించేలా పెట్టడం జరిగింది .
• మధ్యలో ఉన్న 4 మా ప్రధాన లక్ష్యాలకు సంకేతాలు .
• ఒకరి చేతులు ఇంకొకరు పట్టుకుని ఉన్న చిత్రం “టీం వర్క్ ” కి సంకేతం , 11 మందిని పెట్టడానికి ఉద్దేశం , మన దేశంలో క్రికెట్ ని ఎంత ఆరాధిస్తారో , సమాజ సేవని కూడా అంతే ఆరాధించాలని చెపుతుంది

ముఖ్య సభ్యులు :
మండువ సంతోష్ , కౌశిక్ భూపతి. మండువ శివ సంపత్., బొల్లం రాహుల్, దేవులపల్లి జయంత్, కోడం వినయ్, సాయి కిరణ్, విష్ణు.
మరెంతో మంది మిత్రులు మంది మిత్రులు మాకు వెన్ను దన్ను గా నిలుస్తూ సహాయ సహకారాలు అందిస్తున్నారు .

కుటుంబ నేసథ్యం

పేరు : మండువ సంతోష్
తండ్రి : కీ. శే. మండువ వెంకట రమణ రావు
తల్లి : పసునూరి వెంకట రాఘవ శాంత , విశ్రాంత ప్రభుత్వ పాఠశాల ఉపాధ్యాయురాలు
తమ్ముడు : మండువ శివ సంపత్ , అమెరికా లో సాఫ్ట్ వెర్ ఇంజనీర్
విద్యార్హత : ఎంబిఏ , మార్కెటింగ్, కాకతీయ విశ్వవిద్యాలయం
సొంత ఊరు : పెగడాపల్లి ,హాసనపర్తి మండలం
ప్రస్తుత నివాసం : శ్రీనగర్ కాలనీ , హన్మకొండ
నిధుల సమీకరణ : మా కార్యక్రమాలను చూసి భాగస్వామ్యం అవ్వదలచిన కొద్ది మంది దగ్గరి మిత్రుల ద్వారానే నిధుల సమీకరించడం జరుగుతుంది . మేము చేసే కార్యక్రమాల వివరాలను మా పేస్ బుక్ పేజీ పేజీ మరియు వెబ్ సైట్ లో పొందుపరచటం జరుగుతుంది .

సులక్ష్య సేవా సమితి
సులక్ష్య సేవా సమితి
పల్లవి :

సేవే మార్గంగా ..
సేవే లక్ష్యంగా ..
ముందడుగే వేశారు ..
పదిమందికి జీవనమిచ్చారు

సేవే ధర్మాంగా ..
సేవే వేదంగా ..
మదితోనే చూసారు
సాయానికి ముందుగ నిలిచారు

అణగారిన బతుకుల్లోనా
ఆనందపు వెలుగయ్యారు
అనాధలకు బలమయ్యారు
ఆసరాగా నిలిచారు

సులక్ష్య సేవా సమితి
సులక్ష్య సేవా సమితి

బీదజనుల ఆశాజ్యోతి
సులక్ష్య సేవా సమితి
సులక్ష్య సేవా సమితి
నిత్యసేవ సుజనా వసతి

సేవే మార్గంగా ..
సేవే లక్ష్యంగా

చరణం 1 :

బడిపిల్లల భవితను మార్చగ
విద్యాబుద్ధులనందించారు
పాఠశాలలను మెరుగు పరచగా
విశ్వాసాన్నిస్తూ కదులుతున్నారు

నవసమాజ నిర్మాణానికై
పట్టుదలగా పయనిస్తున్నారు ..
కూడూ … గుడ్డా .. లేనివారికై
శాయశక్తులా శ్రమిస్తున్నారు

సులక్ష్య సేవా సమితి
సులక్ష్య సేవా సమితి
బీదజనుల ఆశాజ్యోతి

సులక్ష్య సేవా సమితి
సులక్ష్య సేవా సమితి
నిత్యసేవ సుజనా వసతి

సేవే మార్గంగా ..
సేవే లక్ష్యంగా ..

చరణం 2 :
యువతకు మార్గం చూపిస్తూ
సదస్సులెన్నో నిర్వహిస్తూ
భవిష్యత్తును అందిస్తూ
ముందుకు గమనం సాగిస్తూ

అందరు బాగుండాలని
ఆరోగ్యాంగా బతకాలని
పేదరికం నిర్మూలనకై
కనీస అవసరాలనందిస్తున్నారు

సులక్ష్య సేవా సమితి
సులక్ష్య సేవా సమితి
బీదజనుల ఆశాజ్యోతి

సులక్ష్య సేవా సమితి
సులక్ష్య సేవా సమితి
నిత్యసేవ సుజనా వసతి

సేవే మార్గంగా ..
సేవే లక్ష్యంగా ..

చరణం 3 :
అనాధ వృద్ధుల బాసటగా
ప్రేమా కరుణ లోగిలిగా
ఆత్మీయంగా పలకరిస్తూ
పలు సంతోషాలను అందిస్తూ

శ్రమైక జీవనాన్ని గుర్తిస్తూ
సత్కారాలను అందిస్తూ
సమానత్వాన్ని పంచేస్తూ
సమాజ శ్రేయస్సు నినదించే ..

సులక్ష్య సేవా సమితి
సులక్ష్య సేవా సమితి
బీదజనుల ఆశాజ్యోతి

సులక్ష్య సేవా సమితి
సులక్ష్య సేవా సమితి
నిత్యసేవ సుజనా వసతి

సేవే మార్గంగా ..
సేవే లక్ష్యంగా ..