కవిత్వము ధరణిలో కలిగించు చేతనలు
అక్షరమ్మును నేను ఆహ్లాద మిచ్చెదను
పుస్తకమ్ముకు గలదు పురా సంబంధమును
బ్రతుకుమార్చిన కలము బ్రహ్మ వ్రాతకు శుభము
చదువు సాధన లేక చాల వేదన పడితి
పుస్తకాలను జదివి పుణ్యమది యెరిగితిని
అలతి పదములు నాకు అభయమిచ్చిన చోట
పరుల నవ్వులు నాకు పరమ సహనము నిచ్చె !
2)
విశ్వనాథ రచనలు వినోదమ్మును యిచ్చె
గ్రాంథికము గుట్టునవి గ్రహియింప జేసినవి
సినారెవి గజళ్ళును సెహబాసు మదిదోచె
దాశరధి యలవోక దారులను పదమందె
భానుమతి కథలన్ని భళిభళీ యనుకుంటి
ఆవకాయ పెట్టిన అత్తగారివి కథలు
సులోచన ద్వయముతో సుందరపు కథలెన్నొ
అబ్బూరి ఛాయమ్మ అద్భుతపు మార్గమది
సమకాలీన రచన సాంద్రతలు చూస్తిమి
యండమూరిని చదివి యత్నములు మెచ్చితిమి
పెద్దిభొట్లకు నెంత పెద్దరికమో చూడు
మానవుల కష్టాలు మరిమరీ వ్రాశారు
ఒక్కరా యిద్దరా ఒక తరము వారంత
ప్రభావమ్మును జూపి ప్రతిభలని పండించె
నా ప్రయోగమ్ములను నలుగురూ మెచ్చితిరి
జీవితము సఫల రస ప్లావితము నయ్యెనిక
శ్రీవాణి చరణములు శ్రీకరము శుభకలము
బలరామ కృష్ణసిరి బాగుగా మాకివ్వు !!
