తెలుసుకుందాం!

నేడు అన్ని సౌకర్యాలు,పని అలసట లేకున్న ఎవరికి వారు ఒంటరిగా ఫీల్ అవుతున్నారు.కారణం ఉద్యోగాలు విదేశాల్లో పిల్లలు మనవలు. ఏకాకులుగా వృద్ధుల జీవితాలు కాగితాల పూలుగా మారాయి. అందుకే పెంపుడు జంతువుల ఆలనపాలనతో పాటు వాటి ఫోటోలు,గీయించిన చిత్రాలతో ఇంటిగోడల్ని నింపటం విదేశాల్లో సాధారణమైంది. అవి చనిపోయాక వాటి జ్ఞాపకాలను తల్చుకుంటూ రకరకాల పోజుల్లో వాటి చిత్రాలు గీయించి తృప్తిపడుతున్నారు.కుక్కల పిల్లుల చిత్రాలకు భలే గిరాకీ పెరిగింది.చిత్రకారులకి మంచి గిరాకీ డబ్బు లభించటంతో వారు ఖుషీగా ఉన్నారు.విక్టోరియా మహారాణి తన ఇల్లంతా వందలాది కుక్కల పేయింటింగ్స్ తో నింపింది.ఒక్కో చిత్రం గీయటానికి 16లక్షలు వసూలు చేసే చిత్రకారులున్నారంటే నమ్మబుద్ధి కాదుగదూ?!

ఉత్తరప్రదేశ్ కి చెందిన హర్షితా అరోడా 13వ ఏట కోడింగ్ లో ఆసక్తి చూపి బడి చదువుకి ఫుల్ స్టాప్ పెట్టింది. 2020లో బాలశక్తి పురస్కారం లభించింది.2019లో స్నేహితులతో కల్సి ఎటూబీ అనే స్టార్టప్ ని ప్రారంభించి అమెరికాలో ఢంకా బజాయిస్తోంది.
రాత్రి నిద్ర పోగానే కొందరికి కమ్మని కలలు,కొందరికి భయంకర కలలు! కొత్తగా రిసెర్చి ప్రకారం,ఎక్కువ స్పష్టమైన కలలు వచ్చేవారికి వారి నిద్ర క్వాలిటీ చాలా బాగుంటుంది! ఆరోగ్యంపై సకారాత్మక ప్రభావం చూపుతుంది. 44మంది ఆరోగ్యవంతులపై రిసెర్చి చేశారు.ఒక్కొక్కరిని ఒక్కో సమయంలో నిద్ర నుంచిలేపారు. కల గుర్తుండకపోయినా గాఢనిద్ర ఆపై తెల్లారాక భలే హాయిగా ఉంటుంది.సగం సగం కలలు కనేవారి నిద్ర అంత ఆరోగ్యకరమైంది కాదు.కలలవల్ల కెమికల్స్ ఉత్పత్తి కావటం మనిషితాజా గా ఉల్లాసంగా తెల్లారాక ఉషారుగా ఉంటాడుట.అందుకే పూర్వం దైవ ధ్యానం మంచి కథలతో లాలిపాటలతో పిల్లల్ని నిద్ర పుచ్చేవారు. వారు గొప్ప వారు కావడానికి దోహదం చేశారు.నేడు చెత్త చూస్తూ కళ్లు ఒళ్లు బుర్ర పాడుచేసుకుంటూ చికాకు చిటపటలతో చిందులేస్తున్నారు