గాలి చెట్ల మధ్యన అల్లుకోవటం ప్రకృతి
పగిలిన గ్రుడ్డు ఆకాశం పై పరిచినట్టు గా కరిగిపోవడం
ఒక అనుభూతి

మంచి ఆలోచనలు నాలో రేకెత్తినట్టుగా
అందమైన జీవితం నా చుట్టూ అల్లుకున్నది
చాలా రోజుల క్రితం నాలో నిండిన
రంగురంగుల
ఆ కలలో నేను కులాసాగా కరిగిన దృశ్యం లా!
కానీ,
నిజజీవితంలోని నిస్సారాన్ని
అధిగమిస్తూ
లెక్కల టీచర్ చెప్పే బోరింగ్ ఫ్రాక్షన్ గణితాన్ని వినడానికి
స్కూల్ కు పరుగెత్తినట్టుగా
నాదైన అవర్ గ్లాస్ పగిలి
ఇసుక అంతా వేళ్ళ మధ్యన కారినట్టు కాని నిజాన్ని నేను అనుభవించాలికదా
పగిలిన గ్లాసు లో కారుతున్న ఇసుకను పెట్టడానికి ప్రయత్నించినట్టు
కరిగిపోయిన కలలను
తిరిగి కూర్చి
మెదడులో నింపడానికి ప్రయత్నించినట్టు ఆలోచించాను
ఈ ప్రపంచ తత్వం
నిర్ణయ సాధ్యం కాదని ద్వేషించడం సులభం
ప్రేమించడం కష్టం
నిర్ణయాలైతే సులభంగా నిర్ణయానికి వస్తాం
కాని
ఒప్పుకోవడం కదా మనసుకు కష్టం
ప్రపంచ నీతి అది
అయినా ఈ ప్రపంచం ఎంతో అందమైనది
ప్రపంచం నడిచే పద్ధతి లో
నా కలల్లోకి దూరిపోకుండా
నా రంగుల కలను
నా ఆశయాలను జీవిత కాన్వాస్ పై
చిత్రీకరించాలని ఆశిస్తున్నాను

అనువాదం- పెండ్యాల శ్యామ్ సుందర్ రావు
మూలం – మేఘా ఇషాణి పెండ్యాల.