కాల స్రవంతి

కాల గమనం
రేయింబవళ్ళ సూర్యచంద్రుల
యానం
కాల గమనంలో మలుపులు
కాలక్రమంలో అవి
అదృష్టాల పిలుపులు!
నేడుకు
నిన్నటి మాపు ఒక ఊపు
నేటి ఊపులు
రేపటి ఊహల చూపులు!
క్షణం క్షణం కరిగిపోయే కాలాన్ని
అనుక్షణం ఆస్వాదించు
కాలం ఒక ప్రవాహం అయితే
నీ జీవన స్రవంతిలో నీవు సాగు
కాలం ఓ ప్రయాణం అయితే
నీ గమ్యం చేర్చే దారిలో
నలుగురితో కలిసి ఏగు!
కాలం ఓ తెల్ల కాగితం అయితే
హృదయాన్ని ఆవిష్కరించుకో!
కాల స్రవంతి లో జీవితం తంతు
కలకాలం జీవించు నీ వంతు
కాలం కర్మం కలిసి వస్తే
అదృష్టం నట్టింటికి నడిచి వస్తుంది !
విరాట్ స్వరూపమైన కాలం
విశ్వ సమస్తానికి మూలం !
కాలం ఊరికే ఉండదు ఉండనీయదు
ఏదో ఒకటి జరిపిస్తనే ఉంటది
వృధా గా గడిపేయకు
మానవత్వానికి వన్నెలద్దు!
కాలం తీర్పు విలక్షణ మార్పు
అది చేర్పుల, తీసివేతల కూర్పు!
కాలం దిక్కు చూడకుంటే చిక్కు
కాలంలో బ్రతికే కాయాలు సృక్కు!
కాల…