ఆడ కూతురుగా పుట్టానని
అమ్మే నన్ను చిదిమేస్తుంది
ప్రేమ పెళ్లి చేసుకున్నానని
కన్నవాళ్లే పరువు పేరుతో
నా ఉసురు తీస్తున్నారు
కాముకులు నా జీవితాన్ని
కుక్కలు చించిన విస్తరిచేస్తున్నారు
అత్తింటిలో కట్నదాహం
నన్ను అగ్గికి ఆహుతిచేస్తుంది
మేథావుల్లారా మౌనం వీడండి
మనుషుల్లారా సమాధానం చెప్పండి
ప్రజాస్వామ్య భారతంలో నాకు..
బ్రతికే అర్హతలేదా..?
నేను లేకుంటే..
ఈ సృష్టి ఉంటుందా..?
ఏ లక్ష్యము కోసము
వాడున్నాడో దానిని
చేరడమే వాని పని.
వాడెలా చేరినాడనేది
అవసరం లేదంటాడు.
నిర్దేశించుకున్న పద్ధతి
ప్రకారమే చేరుకోవాలి
మరోపద్ధతి ప్రకారము
మరొకరి ద్వార లక్ష్యము
ఎప్పుడు చేరరాదంటాడు.
మొదటివానిది విశ్వాసము
వ్యక్తము కాలేనిది అందరిచే.
రెండవ వానిది పిడివాదము.
చేయబడుతుంది కొందరిచే.
విచిత్రమేమింటే ఈ రెండూనూ
అందరికి పూర్తిగా అందేవికావు.
వీళ్ళిద్దరికి ఒకరి గురించి ఒకరికి
సంపూర్తిగా తెలుసు తామిద్దరు
వాదనకు దిగితే ఏ ‘పరిష్కారము’
రానేరాదని అయినా తమ తమ
ఉనికి కోసమే ఆ ఇద్దరి ఆరాటం.~~~
౼రుద్రాక్షల మఠం ప్రభులింగశాస్త్రి
తేది:-20-04-2023
వేళ:సాయంకాలం:గం౹౹4:43ని౹౹లకు
గీతం సంగీతం గానం
ఆట పాట నాటు నాటు
అందరి నోటా నాటు నాటు!!
చంద్రబోస్ వాణి
కీరవాణి బాణీ
RRR త్రీణీ
ఆస్కార్ బోణీ
విశ్వంలో దక్కిన ఖ్యాతి
భారతానికే భాతి
తెలుగు నాటుకు విశ్వకీర్తి
భారతదేశానికి దివ్య దీప్తి!!
రాజమౌళి రామారావు రామచరణ్
రణం రౌద్రం రుధిరం
చంద్రబోస్ కీరవాణి
రాహుల్ సిప్లిగం,కాలభైరవ గాయకులు
ప్రేమరక్షిత్ కొరియోగ్రఫీ
అదరగొట్టింది
అందరి ఎద దోచింది
ఆస్కార్ తెచ్చింది
విశ్వవిజేతగా నిలిచింది!!
భారత మాత పెదవిపై చిరునవ్వై విరబూసింది
విజయదుందుభిలు మ్రోగించింది
కీర్తిపతాక ఎగిరేసింది
ప్రపంచచిత్రరంగంలో మెరిసింది
తెలుగు భాషకు గౌరవం దక్కింది
నాటు నాటు అంటూ బెట్టుచేయక
ఓవర్ టెక్ చేసింది
ప్రపంచమాత పారాణిగా రాగరంజితమైది
పాట చూడు పాట చూడు
పాటకు పట్టాభిషేకం చూడు!!
మహిమ గలది మహిళ ఈ జగతిలోన
ఆ మధుర చరిత వినిపించెద జనములోన
అంగన అంచయాన అంబుజనయన
అంబుజాక్షి అబ్జముఖి అంబుజవదన
ఏ పేరున పిలిచినా అందచందమే
ఏ తీరుగ చూసినా అనురాగబంధమే
“అమ్మ”అనే పిలుపుకై ఆరాటపడుతుంది
అందుకు ప్రాణాలే పణంగా పెడుతుంది
మగనితో జత కూడితే మగనాలి తానే
అతనిలో సగమైతే అర్థాంగియు తానే
పిల్లలకు పెళ్ళిళ్ళు చేస్తే అత్తమ్మ తానే
ఆ పిల్లల పిల్లలకు అమ్మమ్మ నానమ్మ తానే
కూతురై పుట్టుతుంది ఒక ఇంట
కోడలై అడుగు పెట్టు ఒక ఇంట
ఇంటికి దీపం ఇల్లాలే నంట
ఇలనైన కలనైన నిజమే నంట
వింటికి నారి అనివార్యం
కంటికి నారి సౌందర్యం
మగనికి నారి మాధుర్యం
వెంటనడిస్తే ధైర్యం స్థైర్యం
పరాయి చోటయినా
మెట్టినింటిలో పాదుకొంటో!
పెరిగిన చోటేదైనా…
కాలు పెట్టిన ఇంటిని తన ఇంటిగా తీర్చిదిద్దుకొంటూ!
బాధల వేవిళ్ళెన్నో భరించి
మరో జీవికి పునర్జన్మనిస్తూ!
ఉనికిలోనే తెగువ కల మగువలు!
కట్టుబాట్ల సంకెళ్లను తెంచుకున్న మగువలు…
చైతన్యంతో చూపుతున్నారు తెగువ!
గలగలలాడే గాజుల చేతులు…
గగన విహారం చేస్తున్నాయి!
గరిట మాత్రమే పట్టిన చేతులు…
గడగడలాడిస్తూ లాఠీ ఝుళిపిస్తున్నాయి!
జోలలు పుచ్చే కరములు…
జోరుగా నడుపుతున్నాయి కార్లు!
కుసుమ కోమల కరములు…
కంప్యూటర్ కీ బోర్డును టకటకలాడిస్తున్నాయి!
నేలను మాత్రమే చూసే
వారి చూపులు…
తలెత్తి అందరినీ శాసిస్తున్నాయి!
వంటింటి గడప వరకే
పరిమితమైన వారి అడుగులు…
అంతరిక్షానికి సైతం పయనిస్తున్నాయి!
ఇంటి బడ్జెట్ నిర్వహణకు మాత్రమే పరిమితమైన వారి మేధ…
దేశ బడ్జెట్ ను రూపొందిస్తో…
శాస్త్రీయ పరిశోధనలో పాలుపంచుకుంటో…
పదవీ నిర్వహణను సమర్థంగా చేపడుతూ…
సవ్యసాచిలా ఇంటా బయటా…
సంయమనంతో,సహనంతో
సామాజిక బాధ్యతను నిర్వర్తిస్తోంది!
చెప్పండి అందరూ ఇప్పటికైనా…
ఆడాళ్ళూ-మీకు జోహార్లని!!!
క్షీరసాగర మధనంలో
అందం తాలూకు అమృతబిందువుల్ని
మహిళాలోకం ఒడిసిపట్టుకున్నారా బహుశా
అందం కురిసిన అసలు ఆ రాత్రి
ఆడవాళ్లు మాత్రమే మెల్కొని ఉన్నారేమో తెలివిగా,ఆశగా
పారిజాతంలా ,పున్నాగంలా
నా వాక్యాలకు అందని ఇంకాఏదోఅవ్యక్తసౌందర్యరాశిలా
‘అందం’ వాళ్ల వశమై పరవశమయ్యింది
మగమానవుడు వాళ్లకౌగిట జీవిత ఖైదే ఈనాటికికూడా
సహనంత్యాగం,సాహసం వాళ్ల పుట్టుపూర్వోత్తరాలు
అందం,ఆనందం, సున్నితత్వం వాళ్లతో ముడిపడ్డాయి అనాదిగా
అతివలదే ఘనతంతా
వనితలదే చరితంతాను
బ్రహ్మచారికిమోక్షంగృహస్థాశ్రమంలోఉందంటారుపండితులు
మగువతోడు లేని మగరాయుడిజీవితమంతా సన్యాసం కాదంటే శూన్య విన్యాసమే అంటారు బాధితులు
శిశిర మోడుల మౌనాకాశంలోంచి
శిలలశిధిల పరమ నిశ్శబ్దంలోంచి
ఒక వసంతగాన పులకిత పుడమిలా
మగాడు గాయపడ్డప్పుడు
ఈ బాధామయ,కన్నీటికధల నుంచి
గుండె పగిలే క్షణాల్నుంచి
ఆమె అమలినప్రేమవర్షంతో తడుస్తూ
అనంత ఓదార్పు నదిఒడిలో స్నానిస్తూ
ఆమెఅనంతదయాపారావారం తీరం చేరి
ఉపశమనిస్తున్నాడు,తిరిగి మానవత్వమున్న మనిషౌతున్నాడు పురుషపుంగవుడు
రేయి పగలు యుగయుగాలుగా….
శక్తి,చేతనత్వాలకు పర్యాయపదం కదా మానవి
స్థావర జంగమాత్మక ఈజగత్తు సమస్తం
సమ్మోహనపరాశక్తి స్త్రీ సంతకమే కాబోలు
ఏమని చెప్పనుఇంకా ఎంతని చెప్పగలను
నాతో నడుస్తున్న మా ఆవిడకు
నన్ను నడిపిస్తున్న మా అమ్మకు
అందమైన మనసుగల ఈ ఆడాళ్లకు
ఈ జన్మకు కృతజ్ఞతలు తప్ప.
అటువైపు వెళ్లకు తల్లీ!
పురుగూ పుట్రా ఉంటాయి-
అవి నీ నునుపైన చర్మాన్ని ఒరుసుకుని
నీకు తెలీకుండానే నిన్ను కుట్టి
రక్తం తాగుతాయి
బహిర్భూమికైనా
ఎటువైపుకీ వెళ్లకు తల్లీ!
అక్కడ ఆడ వాసన కోసం
నిరంతరం కాచుకున్న తోడేళ్లుంటాయి-
అవి నీ అవయవాల కోసం చొంగ కారుస్తూ
అదును చూసి మీదికి ఉరుకుతాయి
మేకలు మేపుకునేందుకైనా వెళ్లకు తల్లీ!
అక్కడ నీ రక్తం కళ్లజూసేందుకు
సిద్ధంగా ఉన్న పులులుంటాయి
అవి కళ్లల్లో ఆకలి నింపుకుని
నీలాంటి ఒంటరి మేక పిల్ల కోసమే
ఎన్నాళ్లుగానో కాపుకాసి ఉంటాయి
పరపరా చర్మాన్ని గోళ్లతో చీల్చి
కోరపళ్ల కింద యవ్వనాన్ని కరకరా నమిలేస్తాయి
ఎటు వైపుకీ వెళ్లకు తల్లీ!
చుట్టూ మగ మృగాలే ఉన్నాయి
అవి నీ నాలుక తెగ్గోసి
మెడా, నడుం విరిచి
రాక్షస క్రీడలు సల్పుతాయి
పక్కింటికైనా వెళ్లకు తల్లీ!
చివరికి
ఇంట్లో కూడా
జాగరూకతగా ఉండు తల్లీ!
చుట్టూ మగ పశువులున్నాయి
అవి
మావయ్యలు గాను, చిన్నాన్నలు గాను
అన్నయ్యలుగాను, తమ్ముళ్లు గాను
చివరికి
కన్నతండ్రి గాను
నీ పసితనాన్ని చిదిమేస్తాయి
కాపాడుకో తల్లీ
నిన్ను నువ్వు నిరంతరం కాపాడుకో
పురుగుల్నించి, పుట్రల్నించి
తోడేళ్ల నించి, పులుల్నించి
అన్ని వైపులా కాపుగాసిన
మానవమృగాల్నించి
ఇంటా బయటా
కాపాడుకోవడం నేర్చుకో
నిన్ను నువ్వు
కాపాడుకోవడానికే
ఏ విద్యయినా నేర్చుకో
నడుములు విరిచినా
గునపాలతో పొడిచినా
భీకరంగా ఎగిసిపడే సముద్రానివై
ప్రచండ శక్తితో
పెళ పెళా విరిగిపడే ఆకాశానివై
కాపాడుకో-
నాలుక తెగ్గోసినా
నిలువునా చీల్చేసినా
వెయ్యి నాల్కలతో
అంతకంతా
ప్రజ్వలమయ్యే
అగ్నిజ్వాలవై
నిన్ను నువ్వు
నిర్భయంగా కాపాడుకో
Standing out is a leader’s feature.
But don’t most of us want to stand out?
Be it sarcasm, honesty, or rebellious in nature,
There is a leader in all of us, no doubt.
Some have experience, others have seen afar,
Some just know the theory, others do their part.
But in the end, there is a leader in all of us, no doubt.
Belief is something invisible, a power
That has the strength to pull us up.
But don’t depend all on it, don’t hover,
Believe in yourself and dont give up.
That satisfaction, that smile you get,
When you make people better, not alone.
Your help they will never forget,
When you get together, it will be shown.
Because there is a leader in all of us,
And you better have no doubt.
అమ్మ ఒడిలో దూరినట్లు
అందలంలో దాగినట్లు
అధ్బుతాన్ని చూసినట్లు
ఆనందతాండవమాడినట్లు
అనుభూతినిచ్చి అమ్మభాష
ఆనందాన్ని కలిగిస్తుంది
పొద్దుపొడుపు పొడిచినట్లు
పొత్తిళ్ళ పాప నవ్వినట్లు
పాలకంకులు విరిసినట్లు
పంటచేలు ఊగినట్లు
పసితనం నుండే నేర్చిన
పసిడిభాష తృప్తి నిచ్చును
చల్లగాలి వీచినట్లు, ,
సన్నాయి మేళం మ్రోగినట్లు
సన్నజాజులు రాలినట్లు
సప్త స్వరాలు మీటినట్లు
సత్కవుల కవిత్వం చదివినట్లు
మాతృభాష మాట్లాడినప్పుడు
మనసు కు కలిగేది ఊరటనే
జావళీలుపాడినట్లు
జాజిమల్లెలు విరిసినట్లు
జాతి వజ్రం మెరిసినట్లు
జయకేతనమెగిరినట్లు
అమ్మభాషను ఆదరించి ఆనందంతో పొంగాలి మనం
పండితులు బోధించినట్టు
పామరులు తలలూపినట్టు
విజ్ఞులందరు మెచ్చినట్లు
విశ్వానకీర్తి ప్రభలేటట్టు
ప్రజలపై నాల్కపైమాతృభాష
వెలుగులు కట్టి ఆడాలి ఇప్పుడు
తెలుగు బిడ్డల హృదయమంతా భాషాభిమానం పొడజూపి నప్పుడు
వర్ధిల్లేది అస్తిత్వ కేతనం
తెలుగుతోటలో ఆడినట్లు
తెలుగు పూలను ఏరుకున్నట్టు
తెలుగుదనం పొంగినట్టు
తెలుగు వారు తలవాలి అనయం
తెలుగు నీది తెలుగు నాది
తెలుగువాళ్లమై మనమిప్పుడు
తెప్పమీద తేలినట్టు
తెప్పరిల్లాలి అత్యధికం
గతచరితలు విరిసినట్లు
ఘనకీర్తిని చాటినట్టు
విజ్ఞానగంగలో విజయులమైనట్టు
జ్ఞానులు బోధించినట్లు
భాషతలుచుకు పొంగాలిప్పుడు
భావితరాలకు తరగని నిధిగా!!
పేగులు చుట్టే నొప్పిని భరించి
పొత్తిళ్లలో నిండుగా నింపుకున్న
ఆనంద జోల..
మృత్యువును సైతం ఆహ్వానిస్తూ,
మరో ఊపిరిని
మట్టిమీద నిలపడానికి
సిద్ధపడే మమకారం ..
ఆకలిని మరచిపోయి,
స్వచ్ఛమైన పాలధారలతో
పెదవులపై తడి మెరుపులు
దిద్దిన అనురాగం…
ఇప్పుడు…
అనుభవాల రాపిడికి నలిగి,
జవసత్వాలు నీరయి
ముడుతలుగా మిగిలిన దేహం..
కడవరకు తోడుంటానన్న
ప్రమాణం కల్లయి,
బాధ్యతలకు ఎరగా మారి
సాలెగూడుకు చిక్కింది..
కుంగిన రెక్కలను మొదలంటా విరిచి
ఇనుపపాదాలకింద నలిపి
వెళ్లిపోయిన పెంచుకున్న భ్రమ..
బతుకును బలవంతంగా సాగదీస్తూ
కాలుని పిలుపుకై కళ్ళు నిలిపి
ఆత్మవిశ్వాసపు త్రాసులో
బరువుగా తూగుతూ
చిరునవ్వు చిత్రంగా..ఆమె..
అరుణ ధూళిపాళ.