కవితలు

నాదేహ దేశ హృదయ కవాటాలు
మూసుక పోతున్నాయెందుకో
ఎంతతట్టినా మోడిన చెట్టు
చిగురించని హృదయ స్థితి
నిద్రలో నిజాలను జోకట్టాలన్న
మెల్కుంటునే మనసు చిద్రమై
పెదవులు కదపని స్థితి యేంటి
ఈదేహం నాదేనా?
నిశ్కర్షగా మాట్లాడితే ద్రోహులగొంతని
నాస్వదేహదేశము నిబంధన
సమస్తవయవాలను కదలనీయవు
ఈదేహాన్ని ముక్కలుముక్కలుగావిడగొట్టి
ఈదేహ బాగలను కాల్చి కూల్చాలనే
అసురసంధ్యా రక్కసులు పగలు
పగలే విజృంభిస్తు ఉన్మాదులై
రుద్రభుమిలో కలలను పండించతలచే
దృశ్యాలకు వాస్తవ హృదయాలు
కొలిమిలోని నిప్పులా ప్రజ్వరిల్లుతునే
ఏఉన్మాదవ్యవస్థలనైనా భస్మంచేస్తాయి.

రెండే రెండు నదులు
కులం,మతం
దేశమంతటా ప్రవహిస్తున్నాయ్

మతం అహంకార దౌర్జన్యాలు
కులం వెర్రితలల దాష్టీకాలు
కులమతాల
అర్థంలేని పంతాలుపట్టింపులకు
మనుగడ అద్దం నిరసన తెలుపుతుంది
చిట్లిన పగుళ్లు అద్దం ముక్కల్లో చూడగలమా రేపటి భవిష్యత్తు
కోపతాపాల మనిషి
పగలు ప్రతీకారాలు
మృతదేహాం ముక్కలుముక్కలు
రక్తపాతం సృష్టిస్తు కనిపించని యుద్ధాలవుతున్నవి
ఆధునిక కులమత ఘర్షణల హత్యాభారతం ఇది!
ఏమిటో ఈ ఘోరం?
ఈ మృగత్వం?
ఎవ్వరి వారసత్వం ఈ రాక్షసత్వం?
చట్టాలు,న్యాయాలు కోర్టులు
కళ్లులేని న్యాయదేవత ముందు
బెయిల్లు మంజూరులు మతలబులు
శిక్షలు శతాబ్దాల పడిగాపులు
చర్చలు నింపాది తతంగాలు
వాతావరణం మారి బతుకు ఆవరణ అవుతున్నది
అంతలోనే నల్లని మబ్బులు కమ్ముతాయ్
పెనుతుఫానులు చెలరేగుతాయ్
రక్తపాతము ఉప్పొంగి పారుతుంది
కులమతాల కుమ్ములాటలో
దుఃఖం ఇక్కడ ఒడవని ముచ్చట
కన్నీరు ఉపనదిగా ఉద్భవిస్తుంది
మతం గతం కాదు
అసలు అర్థం కాబోదు
కులమెప్పుడూ ముసలమే
సుజలాం సుఫలాం
పాటలకే పరిమితం

ప్రవహించే కాలంతో పాటు
ఈ సంఘర్షణలు
కలకాలం వెంటాడే వేటాడే

పవిత్రమతగ్రంధాల సారం అరణ్య రోదన
ఐక్యత ఇక్కడ కాంతిసంవత్సరాలదూరం

ఈ అంతర్యుద్ధం ఆరని కాష్టం
దేశీయుల గుండెల్లో
అసంతృప్తజ్వాలలే నిరంతరం!

ఈ స్వేచ్ఛాలోకంలో
మంచీచెడ్డలు మరచి
ప్రేమ,సహనం విడిచి
చెలరేగుతున్న దుర్మార్గులు
ఈ దమనకాండల రక్తపుటేరులు
అతిపెద్ద నదిగా అవతరించే దిశగా
నా భారతదేశం అడుగులు వేస్తుంటే
సిగ్గువేస్తుంది నాకు
వందేభారతం
ఇప్పుడు రక్తంచిందే భారతం!
ఈ నెత్తుటి భారతం
ఇంకా ఎన్నాళ్లు?
ఈ రక్తపాత ఉపద్రవం ఉప్పెనై ముంచకముందే
దేశ మనుగడకోసం
కలసినడవాలి మనం

మంచిది కాదు ప్రజామౌనం
దేశప్రజలారా !
ఆలోచించండి పోయేదేముంది
మేల్కొనండి అంతా వచ్చేదేమరి
చైతన్యం అడుగుల సవ్వడి
ఆదర్శ ఆలోచనల ఝరి

నేననుకున్నా…

ఒక్క విత్తు నాటితే

ఎన్నో విత్తనాలొచ్చే రైతుకి

ఎందుకు లాభం రాదని!

కానీ…

తర్వాత తెలిసింది

దానికోసం పడే శ్రమ ముందు

అది చాలా తక్కువ అని.

నేననుకున్నా…

మంచి నాయకులొస్తే

పేదల జీవితాలు మారుతాయని

కానీ..

తర్వాత తెలిసింది

వాళ్ళు అధికారం కోసం

మంచిగా నటించారని

నేననుకున్నా…

అభివృద్ధి అంటే

అందరూ ఉన్నతితో

సంతోషంగా ఉంటారని

కానీ

తర్వాత తెలిసింది

ఉన్నతి కోసం పడే పోటీలో

ప్రక్కవాళ్లను కూడా పట్టించుకోనంత

అభివృద్ధి చెందామని

నేననుకున్నా…

అందరూ మనవాళ్లేనని

కానీ

తర్వాత తెలిసింది

అందరూ ‘మనీ’వాళ్లేనని

ఠీవిగా నిల్చున్న ఆ జ్ఞానదీపం
అజ్ఞానతిమిరంతో సమరం చేస్తూ
ధిక్కార స్వరమై దారి చూపుతుంది
సాధికారత వరమై శ్వాసనిస్తుంది
అధికారాపు నిషాకు ఆనకట్ట వేస్తుంది

కలలను కాలంతో ముడేసే
చుక్కాని అవుతుంది
అవసరమైతే నిలదీసే వజ్రసంకల్పమూ కాగలదు
అది మనకాలపు కోహినూర్

పాలకులు మారినా తను సత్యమై
మెరుస్తుంటుంది
మేలైన మనుషులకై నీడను పరుస్తుంది
కళల సమాహారాన్ని కరవాలం చేస్తుంది

తరానికో జ్ఞాపకం తను
యువతరానికో తారాతీరం తను
పారవశ్యమై తనువు బరువు కోల్పోతుంటుంది
తను మాత్రం బరువైన తన చరిత్రను చేతిలో పెడుతుంది

అక్కడ ఏ రాయిను మీటినా
అక్కడి రహస్య మీటింగ్ లను రాయమంటుంది
నిర్మోహత్వాన్ని నిస్తంత్రి వీణ చేస్తుంది
అందుకే నిన్న,రేపుల మధ్య
వర్తమానపు చూపైన ఉస్మానియా
నను విడవని మేనియా

వర్షాన్ని,భూతల్లిని నమ్ముకుంటాడు రైతు
సాలుసాలంతా స్వేదం చిందించి కష్టించి
పంటను గిట్టుబాటుధరకుఅమ్ముకున్నప్పుడు
కళ్లల్లో ఆనందాల అరోరాకాంతులు
భూమంతా సంతోషమే గుండెల్నిండా
మనసు దూదిపింజంలా తేలిపోతుంది ఆ క్షణం

అక్కడ ప్రాజెక్టు మంజూరు కాకముందు
ఏలోటులేని మహారాజు అతడు
మాలకు దారం
మమతలకు మనిషే ఆధారం
ఆరుగాలం దుక్కిదున్నే హాలికుడికి
మరిభూమేకదా బంగారం
ప్రాజెక్ట్ పనుల ప్రకటన
సర్వేలు,నిర్థారణలు
నష్టపరిహారాల వెల్లువ
ఏండ్లకేండ్లు వ్యవసాయం చేస్తున్నా
పట్టాపాసుబుక్కుల్లేని రైతే
ఏ హక్కుల్లేని నేరస్తుడు ఇప్పుడు?
జవాబులు లేని ప్రశ్న అతడు?
కుటుంబానికి ఏమని చేస్తాడతడు వాగ్దానం ?
పట్టాకాగీతాలులేని రైతులంటే శీతకన్నే

వాస్తవాలకు దూరమైన జి.వోలు
దయలేని అధికారులు
కంటితుడుపుగా కొంతమొత్తం విదిలిస్తే ఏంలాభం?
అతడు కన్నకలలన్నీ
తటాకంలో గాలిగీసేఅలలై తీరంలోకనుమరగయ్యాయి
పట్టాభూమిగల రైతు నగదుకునగదు,భూమికిభూమి పొంది
నాగలిపట్టి దర్జగా దున్ని ఏటికేడుప్రగతిపల్లవందుకోవడం
ఆవశ్యకమైన దేశాభివృద్ధి దేశప్రజలందరికీ శుభసూకమే
పట్టాదస్తావేజులులేని నిర్వాసితుడు మాత్రం
భూమితోబాటుప్రాజెక్టు నీళ్లల్ల నిండామునిగి
ఏకాకి బాధాజీవి కావడమే విషాదగీతం
ఉన్నట్టు ఉండి అతను దున్నే భూమి ఎలా అదృశ్యం అవుతుందో?
ఎందుకు అంతర్థానం అవుతుందో?
అర్థంకాదు…ఎటూ పాలుపోదు… అతనికి
భూమిలేనితనం
కర్షకుడికి భరించరాని విలువల్లేని ఒంటరితనపు బతుకువేదనే ఈ లోకంలో
ఆశలన్నీ పక్షులై తిరిగిరాని దూరాలకుఎగిసిపోయిన ఆకాశం అతడు
ఎంతగా ఎదురుచూసినా ఏమి ప్రయోజనం?అంతా శూన్యం?
చివరికి అప్పులు అతని ఆస్తులు
బతుకు తిప్పలైన జీవితం అతడు
ఒక్కోసారి ప్రాజెక్ట్ అంటే
లోతట్టుభూముల్ని
పట్టాలేని భూరైతుల్ని
గల్లంతుచేస్తున్న సముద్రజలం
జీవితాలు జీవితాలే తలక్రిందులు చేస్తున్నభూస్థలం బహుశా
వంశపారంపర్యమైన భూమికి
పట్టాచేసుకోకపోవడం అజ్ఞానమో,పేదరికమో, నిర్లక్ష్యమో,జడత్వధర్మమో
దేశంలోవెసులుబాటు చట్టాలు ఇంకనూ లేకపోవడం తలపోసే అంశం
అదిగో నైరుతిఋతుపవనాల ఆగమనం
ఆగని కుండపోతవానల ఏకశృతి గానం
జలాశయాలు అన్నీ నిండుకుండలే!.
భూమిని,భుక్తిని కోల్పోయిన రైతులకేది న్యాయం?.

ఉక్కిరిబిక్కిరి ఆలోచనలు
సంబంధం లేని గజిబిజి వలగా
మనసును చిందరవందర చేస్తూ…..
మొదలెక్కడో? కొన ఏమిటో..?
వాటన్నింటిని అప్పగించా
కలానికి కళ్ళుగా….

భావాలన్నీ రూపాలుగా
చిత్రవిన్యాస చేతనలుగా
హరివిల్లు రంగుల పొదలై
అక్షరాలుగా సాగుతూ
ముడులన్నీ విడిపోతూ
ఒదుగుతున్నాయి పేజీలపై..

మట్టిని తాకుతూనో
గాలిని వేలితో చుడుతూనో
మబ్బులో చినుకులా కరుగుతూనో
పక్షములు కట్టుకొని
ఆకాశనావలో తిరుగుతూనో
ముత్యపు చిప్పలా
కడలి లోతులు చూస్తూనో
ప్రవహిస్తుంటా అక్షరంగా..

అంతేనా……..
ప్రశ్నించే తత్వానికి
ఎలుగెత్తే గళానికి
పోరాటానికి, ఆరాటానికి మధ్య
జీవించే వర్తమానంలో
సిరాగా వర్షిస్తుంటా…
చరితకు మిగిలే గురుతుగా..

ఏంది బిడ్డా../
నీకు ఇంకా తెల్వదా
మన తెలుగు భాష/
తెలంగాణ యాస/
ఎంత కమ్మగుంటదో../

నేనిదివరకే సెప్పిన ఎట్లుంటదో/
ఐనా మల్ల ఒకసారి చెప్తా../
ఎందుకంటే ఎన్నిసార్లు చెప్పినా /
మన భాష..యాస కమ్మగనే ఉంటది.. /

మన భాషలో రాత్తాంటే
చద్దన్నం లో పచ్చడేసుకొని/
నంజుకున్నట్టు రంజుగుంటది../

జర్రున పారే యేరు లాగా/
సొగసుగుంటది..

యింటాంటే..
ఉగ్గు పాలకన్న కమ్మగుంటది../

బతుకమ్మ పాటలా/
యినసొంపుగుంటది../

అమ్మ జోల పాట లా/
హాయిగుంటది../

పసిబిడ్డ నవ్వులా/
స్వచ్ఛంగుంటది../

ఆడబిడ్డల ప్రేమ లా/
ఆప్యాయంగా ఉంటది../

ఏడికి పోయినా మన భాషకు/
దండం పెట్టేటట్టు గొప్పగా ఉంటది../

భారతీయ సంస్కృతి లా/
ఆదర్శంగా ఉంటది../

ఇంతకన్న సంబరంగా /
ఇంకేం ఉంటది../

దండాలు .. తెలుగుతల్లీ/
తెలంగాణ తల్లీ/
నీకు దండాలు../

నాడు మా అమ్మ అవని నుండి నీవు విడిపోయి గగనతలంలో విహరిస్తున్నావని మా అమ్మ
” చందమామ రావే జాబిల్లి రావే” అని నిన్ను పిలుస్తూ బుజ్జగిస్తూ పాటలు పాడుతూ ఆడిస్తున్నది…
నీ వెన్నెల చల్లదనంలో రాత్రి వేళ , హాయిగా తీయగా పాడుతూ ఆడుకుంటున్నాము…
నీవు మా చెంతకి తిరిగి రాలేకపోయినా
మేమే మేనమామ ఇంటికి , ఆశించి ప్రయత్నించి వచ్చాము మామయ్య…
ఎలాగైతేనేం నీ నివాసం చూడగలిగాం నేడు.
నీ ముందు భాగం పండు వెన్నెల ప్రసరిస్తే ,
నీ వెనుక భాగం చిమ్ము చేకటెందుకు?
నీ తిమిర భాగంలో నిక్షిప్తంగావున్న సంపదను చూడాలని ఉంది మామ !
ఈ ఖనిజ, మూలకౌల సంపదంతా ఇక్కడ నిరుపయోగంగా పడివున్నాయి….
ఒంటరివాడివి ఎందుకు నీకివన్నీ !
ఎవరైనా ఆస్తులు సమకూర్చి కూడబెట్టినా రాబోవు తరానికి అందిస్తారు…
నీవు వదలివచ్చిన నీ సోదరి , మా భూమాత సంతతే కదా మేమంతా!
అమ్మ తరువాత ఆమె తోబుట్టువు నీవు , మాకు మా మేనమామవే కదా….
ఎన్నో శ్రమలకోర్చి నీ ఇంటికి వచ్చాము.
మా జగతి జనం పురోగతికి తోడ్పడి ,
నీ నిక్షిప్త నిధులను భువికి తరలించి , ఆదుకోవాలని ఆశించివచ్చాం !
ఈ రాఖీ పండుగ సందర్భంగా , మాకు రాఖీకట్టి
” అంతా శుభమే జరుగుతుందని, క్షేమంగా వెళ్లి లాభంగా రండని ” మా అమ్మ అవని పంపించింది.
మీకు ఈ సందర్భంగా భువిపై జనావళి అందరి శుభాకాంక్షలు అందిస్తున్నాం.
ఇక నుండి మేమిలానే వస్తూ పోతుంటాం .
ఇక సెలవు

వర్షాన్ని,భూతల్లిని నమ్ముకుంటాడు రైతు
సాలుసాలంతా స్వేదం చిందించి కష్టించి
పంటను గిట్టుబాటుధరకుఅమ్ముకున్నప్పుడు
కళ్లల్లో ఆనందాల అరోరాకాంతులు
భూమంతా సంతోషం గుండెల్నిండా
మనసు దూదిపింజంలా తేలిపోతుంది ఆ క్షణం

అక్కడ ప్రాజెక్టు మంజూరు కాకముందు
ఏలోటులేని మహారాజు అతడు
మాలకు దారం
మమతలకు మనిషే ఆధారం
ఆరుగాలం దుక్కిదున్నే హాలికుడికి
మరిభూమేకదా బంగారం
ప్రాజెక్ట్ పనుల ప్రకటన
సర్వేలు,నిర్థారణలు
నష్టపరిహారాల వెల్లువ
ఏండ్లకేండ్లు వ్యవసాయం చేస్తున్నా
పట్టాపాసుబుక్కుల్లేని రైతే
ఏ హక్కుల్లేని నేరస్తుడు ఇప్పుడు?
జవాబులు లేని ప్రశ్న అతడు?
కుటుంబానికి ఏమని చేస్తాడతడు వాగ్దానం ?
పట్టాకాగీతాలులేని రైతులంటే శీతకన్నే

వాస్తవాలకు దూరమైన జి.వోలు
దయలేని అధికారులు
కంటితుడుపుగా కొంతమొత్తం విదిలిస్తే ఏంలాభం?
అతడు కన్నకలలన్నీ
తటాకంలో గాలిగీసేఅలలై తీరంలోకనుమరగయ్యాయి
పట్టాభూమిగల రైతు నగదుకునగదు,భూమికిభూమి పొంది
నాగలిపట్టి దర్జగా దున్ని ఏటికేడుప్రగతిపల్లవందుకోవడమే
ఆవశ్యమైన దేశాభివృద్ధి దేశప్రజలందరికీ శుభసూకమే
పట్టాదస్తావేజులులేని నిర్వాసితుడు మాత్రం
భూమితోబాటుప్రాజెక్టు నీళ్లల్ల నిండామునిగి
ఏకాకి బాధాజీవి కావడమే విషాదగీతం
ఉన్నట్టు ఉండి అతను దున్నే భూమి ఎలా అదృశ్యం అవుతుందో?
ఎందుకు అంతర్థానం అవుతుందో?
అర్థంకాదు…ఎటూ పాలుపోదు… అతనికి
భూమిలేనితనం
కర్షకుడికి భరించరాని విలువల్లేని ఒంటరితనపు బతుకువేదనే ఈ లోకంలో
ఆశలన్నీ పక్షులై తిరిగిరాని దూరాలకుఎగిసిపోయిన ఆకాశం అతడు
ఎంతగా ఎదురుచూసినా ఏమి ప్రయోజనం?అంతా శూన్యం?
చివరికి అప్పులు అతని ఆస్తులు
బతుకు తిప్పలైన జీవితం అతడు
ఒక్కోసారి ప్రాజెక్ట్ అంటే
లోతట్టుభూముల్ని
పట్టాలేని భూరైతుల్ని
గల్లంతుచేస్తున్న సముద్రజలం
జీవితాలు జీవితాలే తలక్రిందులు చేస్తున్నభూస్థలం బహుశా
వంశపారంపర్యమైన భూమికి
పట్టాచేసుకోకపోవడం అజ్ఞానమో,పేదరికమో, నిర్లక్ష్యమో,జడత్వధర్మమో
దేశంలోవెసులుబాటు చట్టాలు ఇంకనూ లేకపోవడం తలపోసే అంశం
అదిగో నైరుతిఋతుపవనాల ఆగమనం
ఆగని కుండపోతవానల ఏకశృతి గానం
జలాశయాలు అన్నీ నిండుకుండలే!.
భూమిని,భుక్తిని కోల్పోయిన రైతులకేది న్యాయం?.

నేలను కరుచుకుని అర అంగుళం దేహం
తలకు రెండు యాంటినా కళ్ళు
ఆరుకాళ్ళతో చలాకీగా కదులుతూ
కత్తిరించిన ఎర్రటి మక్మల్ బట్ట ముక్కలు
చల్లినట్లు నేలపై ఆరుద్రలు!

ఆరుద్ర కార్తె ఆరంభం తో
చినుకులతో పాటే
ఎర్రటి మొగ్గలు పూసినట్లు
పచ్చటి గడ్డిపై అవి…

బీడు వారిన భూమిపై
తొలకరి జల్లు చేరంగానే…
బడిగంట శబ్దానికి
పిల్లలు బిలబిలా పరుగుతీసినట్లు
కుప్పలుతెప్పలుగా చందమామ పురుగులు!

కొంత ఇసుక నేల
మరికొంత పచ్చ గడ్డి నేల ఉంటే చాలు
పట్టుకుచ్చుపూలలా అలరిస్తాయి!

పిల్లలను పెద్దలను ఆకర్షిస్తూ
ముట్టుకుంటే ముడుచుకు పోయే
అత్తిపత్తి మొక్క లా మక్మల్ పురుగులు!

ఇసుకనేల బొరియల్లో జీవనం సాగిస్తూ ….
నేలను గుల్ల బార్చి పంటకుపోషకాలు
అందించడంలో సహాయకారులు!

ఆ రుద్రుడికి ప్రీతికరమైన నామాలతో
మన మధ్యే మనకోసం బ్రతికే జీవులు !
వరుణదేవుడి కి ప్రతిరూపాలు
రైతన్నలకు నేస్తాలు ఆరుద్ర పురుగులు!

పక్షవాతం మరెన్నో రుగ్మతలకు
తమ ప్రాణాలను అర్పించి
సాంప్రదాయ ఔషధ ప్రధాతలు రెడ్ వెల్వెట్ మైట్స్!

ఇప్పుడు
దళారుల చేతుల్లో కాసులు కురిపించేందుకు
వాటి దేహాలను చాలించి
రేపటి తరానికి ఆన్లైన్ లో
బొమ్మలుగా కనిపించబోతున్నాయి!