అందరిలో తానూ

నిర్ణయాలు తనవి కావు
మనోవేదననే తనది
అడుగు ఎప్పుడూ అందరికోసమే
అందులో తనుందో లేదో
సందేహాలు తనవే
సతమతమయ్యేది తానే
ఏదో అడ్డు అధిగమించేలోపే
మరోవైపు కి నెట్టేస్తారు

అంతా మారుతుంది మళ్ళీ
మొదటి నుండి ఇలా ఎన్నిసార్లో
తన ప్రయాణం ఆగిన చోటల్లా
అర్థం చేసుకుంటూ సాగుతున్న
ఆశయాలు, అందరిలో
అందరివైపే మొగ్గు చూపుతుంది
మనిషిగా చచ్చిపోయినా
అందరి మనసులో నిలిచి పోవాలనే తపన
గుర్తిస్తారేమోనే ఆశ
మిగులుతుంది ఆశగానే