రుచులివి

సీసము:- అమ్మపాలు బలము
లందించు తీపి గా
నల్లారుముద్దుగా నారు నెలలు;
అయ్య పెంపకమున నదుపాజ్ఞలను జూప
నగుపించు కారమై యతని తీపి;
వలపులు సుఖములు కులుకులు తళుకులు చెలిమియు కలతల దెలుపు పులుపు ,
ఇష్టమైన పనుల కష్టము గనరాక
తినగ తినగ చేదు తీపి నిచ్చు!
తే.గీ ౹౹ వగరు రుచిలేక నారోగ్యవంతమగును,
మితముగా జేర్చ రుచులకు జతయె యుప్పు !
శుభకృదబ్దాది హార్దికశోభలందు,
మనుజుల నుగాదిపచ్చడి మైత్రి బెంచు!