శాంతి చేకూర్చండి

శాంతికి ఆలవాలమై

ప్రపంచానికి ఆదర్శంగా నిలిచిన దేశం

నేడు అశాంతిని తరిమేయడంలో

తలమునకలవుతుంది

స్త్రీలను గౌరవించడం

మన సంప్రదాయం

కానీ స్త్రీల హత్యలను చూసి

నలుగుతుంది మా హృదయం

పుట్టుకకు కారణం తల్లిదండ్రులే కావచ్చు

పుట్టగానే చేతిలోకి తీసుకునేది మాత్రం డాక్టరే

అట్టి ఒక మహిళా డాక్టరు చావుకు కారణం ఏడుగురు

నమ్మిన వారే నమ్మకద్రోహం చేశారు

భావి డాక్టర్ జీవితాన్ని తుడిచేశారు

బలానికి ఔషధం డాక్టరే ఇస్తారు

కానీ తన బలాన్ని మొత్తం ఉపయోగించినా వదలలేదు

కాళ్లు పట్టుకున్నా కరుణించలేదు

కన్నీరు కార్చినా కనికరం చూపలేదు

భూదేవితో పోల్చిన స్త్రీని

చివరికి బూడిదలో కలిపేశారు

శిక్షలు కఠినంగా లేని చోట

విశృఖలత్వం వీరవిహారం చేస్తుంది

తప్పుచేసేదొకరు తప్పించేదొకరైనప్పుడు

పేదవాడికి న్యాయమెప్పుడూ

అందని ద్రాక్షే అవుతుంది

ఖద్దరుధారులారా బద్దకంకణులుకండి

నల్ల కోటు వీరులారా నడుంకట్టండి

ఖాకీ వీరులారా కదంతొక్కండి

న్యాయాన్ని రక్షించి,నిందితుల్ని శిక్షించి

మీ వృత్తికి న్యాయం చేయండి

మౌమిత ఆత్మకు శాంతి చేకూర్చండి