నరుడు

పుట్టినపుడు పురుడు

పెరుగుతాడు ఈ చందురుడు

చిన్నతనాన నాన్నను చూస్తూ ఎదుగు

బాల్య యౌవనాల దరువు

తరగుదలలేని వెలుగుల సూరీడు

పెరిగి అవుతాడు పౌరుడు

పెరుగుతుంటే బెదరడు

చదువు తనకు  అవదు బరువు

ఉద్యోగం తనదైన ఆదరువు

జోడు కోసం వెతుకు యువకుడు

పెళ్లికి  సిద్ధమయ్యే  వరుడు

పెళ్లికి ముందు పొగరు

పెళ్లి అయినాక  తగ్గును వగరు

పెళ్లికి ముందు సోమరుడు

పెళ్ళయినాక పామరుడు.

సంసార యుద్ధానికి సిద్ధమయే వీరుడు

నిత్యపోరాటాల యోధుడు

అలసినా విడువని శ్రామికుడు

చివరకు గెలిచే విజయుడు…