3. చిలుకమ్మ అందం
ఒక అడవిలో మేడిచెట్టు కొమ్మపై క చిలుక గోరింక కాపురమున్నాయి. అనుకోకుండా చిలుక అనారోగ్యానికి గురైంది. చిలుక మేతకు వెళ్ళలేకపోయింది. గోరింకనే బయటకు వెళ్లి చిలుకకు తగినంత మేత తెచ్చేది. ఇంకా గోరింక చిలుకకు ఎన్నో సపర్యలు చేసింది. కొన్ని రోజులకు చిలుక కోలుకుంది.
ఒకరోజు చిలుక గోరింక తీరిగ్గా కూర్చొని మాట్లాడుకుంటున్నాయి. మాటల మధ్యలో గోరింక చిలుకమ్మ నేను నీకు ఎంతో సేవ చేశాను కదా నాకొక బహుమతి ఇవ్వరాదూ అంది. అదేమిటో అడుగు అంది చిలుక. ఏం లేదు నువ్వు పచ్చని రంగులో చాలా అందంగా ఉంటావు కదా. ఒక ఈక ఇవ్వవా అంది గోరింక. అమ్మో ఒక ఈక ఇస్తే నా అందం చెడిపోతుంది. నేనివ్వను అని చిలుకమ్మ కోపంతో గోరింక మీదకు గయ్యుమని లేచింది. అంతేకాకుండా ఈక అడిగినందుకు నేను నీ దగ్గరుండనని గూటిని విడిచి చిలుక ఎటో ఎగిరిపోయింది. గోరింక ఎంత బ్రతిమాలినా చిలుక వినిపించుకోలేదు.
అట్లా వెళ్తూ వెళ్తూ ఉన్న చిలుకకు ఒక జోష్యం చెప్పుకనేవాడు కనిపించాడు. చిలుక అతని దగ్గరకు వెళ్లి నేను నీకేమైనా ఉపయోగపడాతానేమో నన్ను నీ దగ్గర ఉంచుకోరాదు అనడగింది. అందుకు ఆ జ్యోతిష్కుడు కొంచెం ఆలోచించి సరే నిన్ను నా దగ్గర ఉండనిస్తాను కాని అందుకు పర్యవసానంగా నీ అందమైన ఈక ఒకటి ఇవ్వాలి అన్నాడు. ఆ మాటతో చిర్రెత్తుకొచ్చిన చిలుక కోపంతో అక్కడ నుండి వెళ్లిపోయింది.
అట్లా వెళ్తూ వెళ్తూ ఉన్న చిలుక బాగా అలసిపోయి ఒక చెట్టు కొమ్మపై వాలింది. అదే చెట్టు కొమ్మపై ఒక కోతి కాపురముంటున్నది. ఏం చిలుక గారు ఎటు నుండి ఎటు ప్రయాణిస్తున్నారు? అనడిగింది. చిలుక జరిగిన సంగతంతా చెప్పి ఈక ఇమ్మన్నందుకు తాను అలిగి వచ్చేశానని చెప్పింది. విషయమంతా విన్న కోతి చిలుకను ఓదార్చింది. సరే నువ్వు ఇక నుండి నా దగ్గరే ఉందువుగాని నేను నిన్నేమీ అడగనులే అంది కోతి. ఆ రోజు నుండి చిలుక కోతి హాయిగా కలిసి ఉంటున్నాయి.
ఒకసారి చిలుక ఒక స్వచ్ఛమైన , నిర్మలమైన చెఱువుగట్టుపై ఉన్న వేప చెట్టుకొమ్మపై వాలింది. అదే చెటు కొమ్మపై ఒక కోతి కాపురముంటున్నది. ఏం చిలుకగారు ఎటు నుండి ఎటు ప్రయాణిస్తున్నారు? అనడగింది. చిలుక జరిగిన సంగతంతా చెప్పి ఈక ఇమ్మన్నందుకు తాను అలిగి వచ్చేశానని చెప్పింది. విషయమంతా విన్న కోతి చిలుకను ఓదార్చింది, సరే నువ్వు ఇక నుండి నా దగ్గరే ఉందువుగాని నేను నిన్నేమీ అడగనులే అంది కోతి. ఆ రోజు నుండి చిలుక కోతి హాయిగా కలిసి ఉంటున్నాయి.
ఒకసారి చిలుక ఒక స్వచ్ఛమైన, నిర్మలమైన చెఱువు గట్టుపై ఉన్న వేప చెట్టుకొమ్మపై వాలింది. చిలుక నీళ్లవైపు చూసి ఆహా నీళ్లు ఎంత నిర్మలంగా ఉన్నాయి అనుకుంటున్నత లోపే ఆ నీళ్లలో వికృతంగా, అసహ్యంగా ఉన్న పక్షి ఒకటి చిలుకకు కనిపించింది. చిలుక ఆశ్చర్యంగానూ, భయంగానూ ఆ పక్షిని తదేకంగా చూడసాగింది. చిలుక రెక్కలు టపటప లాడించింది. ఆ నీళ్లలోని వికృత పక్షి కూడా రెక్కలు టపటప లాడించింది. చిలుక ముక్కును ఇటూ అటూ అంది. ఆ వికృత పక్షి కూడా అట్లాగే ముక్కును ఇటూ అటూ అంది. ఆ వికృత పక్షి చిలుక ఎట్లా చేస్తే అట్లాగే చేస్తుంది. ఏమీఅర్థంకాని చిలుక కొంచెంసేపు ఆలోచించింది. ఓ! ఇది వేరే పక్షి కాదు తన ప్రతిరూపమే అని అనుకున్న చిలుక నా అందమైన రూపం ఇంకా వికృతఁగా ఎట్లయింది అని బాధపడుతూనే కోతి దగ్గరకు వెళ్లింది. ఆ సమయానికి ఆ చెట్టుపై కోతి లేదు. అక్కడే కోకిలమ్మ, ఒకటి ఉంది. చిలుక ఎంతో మర్యాదతో కోకిలగారు కోతిగారు ఎక్కిడికి వెళ్ళారు? అనడిగింది. ఏమో అలా బయటకు వెళ్లినట్టున్నారు అంది కోకిల. చిలుక ఏడుస్తూ కొమ్మపై కూచుంది. ఏమైంది, చిలుకగారు విచారంగా ఉన్నారు అంది కోకిల, చిలుకు ఆప్యాయంగా పలుకరిస్తూ. ఏం లేదు, కోకిలగారూ నా అందమైన ఈకలన్నీ ఎలా ఊడిపోయినాయి, నను ఇంత వికృతంగా ఎట్లయినాను అంది చిలుక ఏడుస్తూ. ఓ అదా! చిలుకగారు, మీకు ఒక విషయం చెప్పాలి. మీరు రోజూ నిద్రబోయే సమయానికి మీకేమాత్రం నొప్పి కలుగకుండా రోజుకో ఈక పీక్కుంది కోతి. ఆ ఈకలన్నీ జమజేసి అదిగో పిల్లలు అడుకుంటున్నారో వాళ్ళకమ్మడానికి వెళ్లింది, అని చెప్పింది కోకిల. కోతి చేసిన మోసానికి చిలుకకు కోపం ముంచుకొచ్చింది. కానీ ఏం చేయగలదు. కోతి తనకన్నా బలవంతుడాయే, ఏమీ చేయలేని చిలుక ఎగురుతూ ఎటో వెళ్లిపోయింది.
ఎగురుతూ ఎగురుతూ అలా వెళ్లిన ఒక జంతు ప్రదర్శన శాలకు వెళ్లి అక్కడే ఉన్న యజమాని దగ్గరకు వెళ్లింది. అయ్యా మీ జంతు ప్రదర్శన శాలలో నాకు స్థానమిస్తారా? అనడిగింది. ఏం మొహం పెట్టుకుని అడుగుతున్నావే చిలుకా! నీకు ఈకలే లేవు అందమే లేదు. నిన్ను చూస్తే ఇతర చిలుకలు పొడచి చంపినా చంపుతాయి, వెళ్లు, ఇక్కడి నుంచి అని తరిమికొట్టాడు ఆ జూ యజమాని. చిలుకకు కళ్లలో నీళ్లు తిరిగాయి. చిలుకకు తన మొదటి నేస్తమయిన గోరువంక గుర్తొచ్చింది. నన్ను గోరువంక ఎంతగా ఆదరించింది, ఎంత సేవలు చేసింది అయినా నేను మూర్ఖంగా ఒక్క ఈక ఇవ్వలేకపోయాను. ఇప్పడు చూడు ఈకల్నీ పోగొట్టుకుని నా గతేమయ్యిందో అని వెక్కి వెక్కి ఏడ్చింది. చిలుక పశ్చత్తాపముతో తిరిగి గోరింక వద్దకు వెళ్లింది. అక్కడ గోరింక మరో అందమైన చిలుకతో స్నేహం చేసింది. ఆ రెండు చిలకా గోరింకలు ఎంతో హాయిగా ఉన్నాయి. చిలుకమ్మ గోరింకతో నేను ఇక నుండి నీ దగ్గర ఉండవచ్చా అనడిగింది. క్షమించు చిలుకమ్మా గూటిలో మా ఇద్దరికే చోటుంది, నువ్వేటైనా వెళ్లు అంది గోరింక. చేసేదేమి లేని చిలుక శివుని ధ్యానించుటకై హిమాలయాలకు ఎగిరిపోయింది.
